ZIARA YA KAMATI YA SIASA YA CCM

Posted on: December 22nd, 2021

Kamati ya Siasa ya chama tawala cha mapinduzi (CCM) ikiongozwa na mwenyekiti mhe. Alhaji Adam mtore ilifanya ziara tarehe 22.12.2021 kwa mwaliko wa mkurugenzi mtendaji (W), Bi. Husna Toni kutembelea na kukagua miradi inayotekelezwa kwa fedha za covid 19 ambayo ni madarasa 54 yenye thamani ya Bilioni 1.08 na mradi unaotekelezwa kwa tozo za simu ambao ni kituo cha afya Nyijundu kwa thamani ya milioni 250.

“Tumefurahishwa sana na mwaliko huu kwa kutambua kuwa tunafanya kazi pamoja za kuwahudumia wananchi ukizingatia wote kazi yetu ni moja tu ya kuwaletea maendeleo wananchi wa nyanghwale, alisema mhe Alhaji Adam Mtore mwenyekiti wa CCM (W).” Aliongezea kwa kusema miradi yote waliotembelea na kukagua imetekelezwa kwa kiwango kinachotakiwa na mizuri sana ambayo inaleta heshima kwa chama tawala (CCM) na serikali kwa ujumla.

Mkuu wa Wilaya Mhe Jamhuri David William aliwaeleza wajumbe kuwa utekelezaji mzuri wa miradi hiyo ni ushirikiano mzuri uliopo kati ya Chama na Serikali ndiyo maana tunafanya kazi kwa pamoja. Aidha mapungufu yote yaliyobainishwa na wajumbe yatafanyiwa kazi na matarajio ni miradi kukamilika kabla ya tarehe 3o Desemba, 2021.