PIKIPIKI 23 ZAKABIDHIWA KWA VIKUNDI 6 VYA VIJANA VILIVYONUFAIKA NA MKOPO WA ASILIMIA 10

Posted on: November 19th, 2025

Kaimu Mkurugenzi wa Halmashauri ya Wilaya ya Nyang'hwale Ndg. Ezekiel Ntiriyo amekabidhi Pikipiki 23 zenye thamani ya Tsh Milion 67 kwa Vikundi 6 vya Vijana vilivyonufaika na Mkopo wa Asilimia 10 ya Vijana, Wanawake na Watu wenye Ulemavu.

Makabidhiano hayo yamefanyika leo Novemba 19, 2025 katika Jengo la Kituo cha Uwezeshaji Wananchi Kiuchumi.

Akiwa katika hafla hiyo Ndg. Ntiriyo amewataka wanufaika hao kufanya marejesho ya mikopo yao kwa wakati na kwa mujibu wa mkataba ili fedha hizo ziwanufaishe na walengwa wengine.

Aidha Kamanda wa Polisi wa Usalama Barabarani Ndg. Issa Mohammed amewataka Madereva Bodaboda kuzingatia Sheria za Usalama barabarani wanapotumia vyombo vya Moto ili kuepuka ajali na changamoto zengine za Barabarani.

Vilevile, Afisa Biashara Ndg. Juma Malingumu ametoa rai kwa madereva wa Bodaboda kulipa ushuru kwa wakati bila usumbufu ambapo Ushuru huo unalipwa mara moja pekee kwa mwaka.