Origin

Halmashauri ya Wilaya ya Nyang’hwale ni miongoni mwa Halmashauri sita (6) zinazounda Mkoa wa Geita. Halmashauri ya Wilaya ya Nyang’hwale iliundwa rasmi mnamo Machi 8, 2013 kwa tangazo la gazeti la Serikali namba 44.

Tangazo hilo liliigawa Wilaya ya Geita kwa kuunda Wilaya mbili za Geita na Nyang’hwale. Hivyo basi, Halmashauri ya Wilaya ya Nyang’hwale ni zao la kugawanywa kwa Wilaya ya Geita.

Wilaya ya hii ina Jimbo 1 la uchaguzi, Tarafa 4, Kata 15, Vijiji 62 na Vitongoji 273. Pia Halmashauri hii ina Jumla ya Waheshimiwa Madiwani 20, kati ya hao 15 ni wa kuchaguliwa, 5 ni wa kuteuliwa (Viti Maalum) na Mbunge mmoja (1).

Aidha, Kwa mujibu wa sensa ya watu na makazi ya mwaka 2022, Wilaya ya Nyang’hwale ina jumla ya wakazi 225,803 kati ya hao wanaume 113,495 na wanawake 112,308.