Secondary Education

 Utangulizi  

Idara ya Elimu Sekondari kwa sasa inasimamia utekelezaji wa shughuli za utoaji wa taaluma katika Shule 16 za Sekondari, miongoni mwa Shule hizo zipo Shule mbili zina wanafunzi wa Kidato cha Tano na sita. Jumla ya wanafunzi waliopo katika Shule hizo ni 9300 miongoni mwao wanafunzi wasichana ni 4901 na wavulana ni 4399

Idara ya Elimu Sekondari inasimamia jumla ya walimu 286 Walimu wa kiume ni 229 na wanawake ni 57 kati ya walimu hao walimu 168 ni walimu wa masomo ya Sanaa na walimu 118 ni walimu wa masomo ya Sayansi.

2.0 Majukumu yanayofanywa na Divisheni ya Elimu Sekondari.

• Kuwakilisha Wizara Katika Halmashauri kuhusu masuala ya Elimu ya Divisheni ya Elimu Sekondari
• Kusimamia utekelezaji wa Sera, Sheria, Miongozo na Kanuni zinazoongoza utoaji wa Elimu ya Sekondari katika Halmashauri.
• Kusimamia utekelezaji wa mipango ya maendeleo ya Elimu Sekondari katika Halmashauri
• Kuhimiza udhibiti wa nidhamu ya walimu na wanafunzi pamoja na watumishi wengine katika Shule za Sekondari
• Kusimamia haki na stahiki za walimu na kuhakikisha kuwa wanazipata  zote kwa muda sahihi
• Kufanya ufuatiliaji na Kusimamia utekelezaji wa ujenzi wa miundombinu mbalimbali kwa ajili ya maendeleo katika Shule za Sekondari.
• Kupokea walimu wa ajira mpya  na kuhakikisha wanafika katika Shule walizopangiwa na kuendelea na kazi,
• Kuanzisha Shule mpya kwa  kushirikiana na wananchi ili kuwawezesha wanafunzi kutotembea umbali mrefu  kwenda  shule
• Kutoa huduma ya ufafanuzi na maelezo ya miongozo ya utoaji wa Elimu kwa wananchi na wadau wa Elimu
• Kufanya upanuzi wa Elimu ya Sekondari kwa kuongeza Shule za kidato cha tano na sita.
• Kufuatilia na kufanya tathmini ya ufundishaji na ujifunzaji katika Shule za Sekondari
• Kusimamia Mitihani yote ya ndani, Mkoa na ngazi ya Taifa, Mitihani ya kidato cha pili, kidato cha nne na kidato cha sita katika Shule za Sekondari.
• Kusimamia na kuratibu shughuli zote za ukusanyaji wa takwimu, kuzichambua na kuzitafisiri  na kuzituma kwa wadau wa Elimu ngazi ya Wilaya, Mkoa na Taifa,
• Kumshauri Mkurugenzi Mtendaji katika Halmashauri kuhusu masuala yote ya Elimu.