WIZARA YA MIFUGO NA UVUVI YAIPONGEZA NYANG'HWALE KWA KUFANIKISHA ZOEZI LA UCHANJAJI NA UTAMBUZI WA MIFUGO KITAIFA KWA ASILIMIA 89.27

Posted on: December 11th, 2025

Afisa Mfawidhi Kituo Cha Uchunguzi wa Magonjwa ya Wanyama Kanda ya ziwa Ndg. Rosamystica Sambu ameipongeza Halmashauri ya Wilaya ya Nyang'hwale kwa kufanikisha zoezi la Uchanjaji na Utambuzi wa Mifugo Kitaifa kwa asilimia 89.76 %.

Ametoa pongezi hizo katika kikao cha tathmini ya zoezi la Uchanjaji na Utambuzi wa Mifugo kililofanyika leo Disemba 11, ambapo jumla ya Ng'ombe 95,742 zimechanywa Chanjo ya Homa ya Mapafu ya Ng'ombe (CBPP) kwenye Kata zote 15.

Akizungumza na Maafisa Mifugo Ndg. Sambu amewataka wataalamu kutunza zana za kazi ( pikipiki, vishikwambi na masanduku ya kuhifadhia baridi (Coolbox) kwa ajili ya matumizi kwa wakati mwengine kutokana na zoezi la Chanjo kuwa endelevu.

Aidha Mkurugenzi Mtendaji wa Halmashauri ya Wilaya ya Nyang'hwale Ndg. Husna Toni amewataka Maafisa Mifugo na Kilimo kushirikiana pale ambapo Afisa mwenzake anapozidiwa na majukumu ili kuwahudumia Wananchi kwa wakati.

Pia Mkurugenzi Mtendaji amewashukuru Wananchi kwa kutoa Ushirikiano kwa Wataalamu katika zoezi la Uchanjaji na Utambuzi wa Mifugo hali ambayo imepekelea kufikia asilimia 89.76 % ya Ng'ombe kuchanjwa.

Kwa upande mwingine Afisa Mifugo Kata ya Mwingiro Ndg. Nyanda Nyanda ameshukuru jitahada zilizofanywa na Mkurugenzi Mtendaji ili kuwawezesha kukamilisha zoezi hilo kwa wakati.

Halikadhalika Ndg. Nyanda ameshauri elimu iendelee kutolewa kwa Wananchi juu ya umuhimu wa kuchanja Mifugo ili kuwe na mwitikio mkubwa wa Wafugaji kuchanjwa Mifugo Yao.