WAZIRI MVUNDE AKABIDHI LESENI 19 ZA UCHIMBAJI KWA WACHIMBAJI WADOGO WA MADINI

Posted on: November 29th, 2025

Waziri wa madini, Mhe. Anthony Mavunde, leo Novemba 29, 2025 amekabidhi leseni 19 za uchimbaji wa madini kwa wachimbaji wadogo wa Madini Wilayani Nyang'hwale.

Waziri wa Madini Mhe. Anthony Mavunde akizungumza na Wananchi baada ya kukabidhi leseni 19 za uchimbaji kwa wachimbaji wadogo

Akizungumza katika hafla hiyo amesema wachimbaji wadogo wanachangia zaidi ya asilimia 40 ya mapato yanayotokana na sekta ya madini.

"Mchango wa wachimbaji wadogo unaotokana na shughuli za madini unaongezeka kila kukicha kutokana na maboresho makubwa ya Sheria na sera yanayofanywa na Serikali" Amefafanua

Mwenyekiti wa Wachimbaji Vijana Taifa, Ndg. Khamis Mohamed akizumgumza na Wananchi

Akikadhi leseni hizo katika Mgodi wa Kasubuya amewataka wamiliki wa leseni za madini kuziendelea leseni hizo kwa shughuli za uchimbaji na si vinginevyo.

"Yeyote anayemiliki leseni, sheria inamtaka aiendeleze leseni yake, leseni zote zisizoendelezwa nawahakikishia kuwa nakwenda kuzifuta leseni hizo" Amesisitiza.

Mkuu wa Wilaya ya Nyang'hwale, Mhe. Grace Kingalame amemshukuru Mhe. Mavunde kwa kuendelea kuisimamia ipasavyo Sekta ya madini ambapo uchumi wa Wilaya ya Nyang'hwale unategemea sekta hiyo.

Waziri wa Madini Mhe. Anthony Mavunde akiwa kwenye picha ya pamoja na Wachimbaji Vijana