MHE. KINGALAME AFUNGUA JENGO LA WAGONJWA WA NJE (OPD) ZAHANATI YA KAKORA

Posted on: January 13th, 2026

Mkuu wa Wilaya ya Nyang'hwale Mhe. Grace Kingalame amezindua mradi wa Jengo la Wagonjwa wa nje (OPD) na Jengo la Baba, Mama, na Mtoto katika Zahanati ya Kijiji cha Kakora.

Hafla ya uzinduzi wa mradi huo imefanyika leo Januari 13, 2026 ambapo Viongozi, Wananchi na wadau mbalimbali wa maendeleo wamehudhuria kujionea uzinduzi huo.

Mhe. Kingalame akikata utepe kuashiria ufunguzi wa Jengo la OPD & RCH

Mratibu wa Mfuko wa maendeleo ya Jamii TASAF (W), Ndg. Joseph Kadio amesema mradi huo umegharimu kiasi cha Tsh. Milioni 92.4 fedha kutoka TASAF.Mhe.

Kingalame amemshukuru Mhe. Dkt. Samia Samia Suluhu Hassan kwa kutoa fedha za utekelezaji wa mradi huo unaokwenda kuboresha huduma za Afya kwa wakazi wa Kijiji cha Kakora.

Muonekano wa Jengo la wagonjwa wa nje (OPD) zahanati ya Kakora

"Tusiache kumuombea Rais wa Jamhuri ya Muungano wa Tanzania Mhe. Dkt. Samia Suluhu Hassan, kwa kuwa mambo haya yamefanyika chini ya uongozi wake" Ameeleza

Aidha, Amempongeza Mkurugenzi Mtendaji wa Halmadhauri na timu yake ya Wataalamu kwa usimamizi na utekelezaji mzuri wa miradi ikiwemo mradi huo wa Jengo la Wagonjwa wa nje (OPD & RCH)

Mkurugenzi Mtendaji wa H/W Nyang'hwale Ndg. Husna Toni amesema kukamilika kwa mradi huo kunaenda kumaliza changamoto walizokua wakikumbana nazo wananchi wa Kijiji cha Kakora juu ya upatikanaji wa huduma za Afya kwa ufanisi.

Mkurugenzi Mtendaji wa H/W ya Nyang'hwale Ndg. Husna Toni akizungumza na Wananchi

Mwenyekiti wa H/W Nyang'hwale, Mhe. John I. John amewapongeza waheshimiwa madiwani wa kata hiyo kwa kusimamia vizuri fedha za miradi zinazoletwa na Serikali kwenye Kata ya Kakora.

Pamoja na mambo mengine, mradi huo utawezesha upatikanaji wa huduma ya mama, baba na mtoto, kupunguza vifo vitokanavyo na uzazi na watoto wachanga, na kuboresha huduma za Afya kwa wakazi wa Kijiji cha Kakora.

Mwenyekiti wa Halmashauri Mhe. John I. John akizungumza na Wananchi