WAZAZI WASISITIZWA KUNYONYESHA WATOTO MAZIWA YA MAMA PEKEE ILI KUJENGA AFYA YA MTOTO

Posted on: August 7th, 2025

Katibu Tawala Wilaya ya Nyang'hwale Ndg. Kaunga Amani amehitimisha Kilele cha maadhimisho ya Wiki ya Unyonyeshaji Maziwa ya mama Duniani  leo Agosti 7, 2025 katika uwanja wa Shule ya Msingi Bumanda.

Katibu Tawala amewaeleza Wanawake kuwa na desturi ya kuwanyonyesha watoto wao ili kuimarisha kingamwili na Afya za watoto, hali itakayosaidia kupunguza kasi ya magonjwa ya mara kwa mara kwa watoto.

"Unyonyeshaji wa watoto utapunguza uwezekano wa mama kupata saratani ya matiti, via vya uzazi pamoja na kuepuka kupata mimba nyingine katika kipindi cha miezi michache baada ya kujifungua" Amefafanua

Afisa ustawi wa jamii Wilaya Ndg. Kuruthum Semgaya amewahimiza wazazi kutowanyima Watoto haki ya kunyonya ili kuwa na jamii yenye afya bora.

Sambamba na hayo, Mratibu wa afya ya uzazi, mama na mtoto Ndg. Rachel Samwel  amewashauri wanawake kutumia njia ya uzazi wa mpango ili kupata muda wa kutosha kunyonyesha mtoto kabla ya kupata ujauzito Mwingine.