WANANCHI WATAKIWA KUJIFUNZA ELIMU YA WATU WAZIMA KIDIGITALI ILI KUCHOCHEA MAENDELEO YA TAIFA

Posted on: October 10th, 2025

Afisa Elimu Taaluma Sekondari Mkoa Ndg. Cassiani Luoga  amewataka Wananchi kujifunza kusoma Elimu ya Watu Wazima  kwa njia ya kidijitali kwa maendeleo ya Taifa letu.

Ameyasema hayo leo Oktoba 10, 2025 kwa niaba ya Mkuu wa Mkoa wa Geita katika Kilele cha Maadhimisho ya Juma la Elimu ya Watu Wazima na Elimu Nje ya Mfumo Rasmi na Elimu Jumuishi yaliofanyika katika Viwanja vya Shule ya Msingi Nyijundu.

Aidha, amewataka Wazazi kuwalea Watoto katika Maadili mazuri kwa kujiepusha na vitendo vya ukatili na unyanyasaji wa Kijinsia kwa Watoto ambapo amewatka Wazazi kutoa ushirikiano kwa vyombo vya Sheria ili kutomeza ukatili.

Vilevile, amewataka Wazazai kuhakikisha Watoto wa Kike waliokatisha Masomo kutokana na changamoto mbalimbali warudi shuleni ili waendelee na masomo kupitia mfumo wa pragramu ya Mpango wa Elimu Sekondari kwa Walioikosa au kuacha.

Pia, ametoa rai kwa Wazazi kuwapeleka Watoto Shule kujiunga na programu ya Mpango wa Elimu Msingi kwa Walioikosa (MEMKWA) ili waweze kumaliza mzunguko wa Elimu yao na kuwataka Wazazi kuacha tabia za kuwaficha Watoto kutokana na changamoto mbalimbali walizonazo ikiwemo za kiafya.

Halikadhalika, amewasihi Wananchi kujitokeza kwa wingi siku ya kupiga kura Oktoba 29, 2025 katika Uchaguzi Mkuu wa Rais, Wabunge na Madiwani kwa kuwa ni haki ya Kisheria na Kikatiba.

Maadhimisho hayo yanaenda sambamba na Kauli Mbiu isemayo “Kukuza kisomo katika zama za Kidijitali kwa maendeleo endelevu ya Taifa Letu”