WANAKIJIJI CHA MIMBILI WATOA ENEO KWAAJILI YA UJENZI WA SHULE YA MSINGI MPYA

Posted on: December 16th, 2022

Wanakijiji wa Kijiji cha Mimbili Kata ya Nyugwa wametoa eneo kwaajili ya Ujenzi wa Shule ya Msingi katika Kitongoji cha Bugaka. Hii imekuja baada ya kutaka kutatua changamoto ya Umbali wa Shule kwa watoto wao. Mratibu wa Elimu Kata ya Nyugwa Ndugu Huruma Sulusi akiwa na Mwenyekiti wa Kijiji cha Mimbili pamoja na wazee Maarufu kutoka Kitongoji cha Bugaka wamefanya zoezi la kubainisha mipaka ya eneo linalopendekezwa kujengwa Shule Mpya ya Msingi. Eneo hilo limetolewa na Wananchi wa Kijiji cha Mimbili ili kuondoa adha ya umbali wa wanafunzi wanaotembea zaidi ya Kilometa 5 kufuata huduma za jamii hususani Shule na Zahanati. Utekelezaji wa Mpango huo utapunguza kwa kiasi kikubwa changamoto ya utoro pamoja na Msongamano wa wanafunzi katika Shule ya Msingi Mimbili inayokadiriwa kuwa na wanafunzi 1600. Eneo lililopendekezwa lina ukubwa wa Hekari 7