VIONGOZI WA DINI WAHIMIZWA KUWAHAMASISHA WANANCHI KUSHIRIKI UCHAGUZI

Posted on: October 18th, 2025

Viongozi wa dini na viongozi wa makundi mbalimbali katika Jamii wametakiwa kuwa mstari wa mbele kuwahamasisha Wananchi kushiriki Uchaguzi Mkuu wa kumchagua Rais, Wabunge na Madiwani.

Viongozi wa makundi mbalimbali katika Jamii wakiwa kwenye kikao

Hayo yameelezwa leo Oktoba 18, 2025 kwenye kikao maalamu kilichojumuisha viongozi wa dini na viongozi wa makundi mbalimbali kwenye jamii kilichofanyika katika ukumbi wa mikutano wa Halmashauri.

Katibu Tawala (W) ya Nyang’hwale Ndg. Kaunga Amani ametoa rai kwa Viongozi wote waliohudhuria kikao hicho wakawe mabalozi wa kuhubiri amani na kuwahamasisha Wananchi kushiriki Uchaguzi Mkuu ifikapo Oktoba 29, 2025.

Katibu Tawala (W) ya Nyang'hwale Ndg. Kaunga Amani akizungumza na viongozi wa makundi mbalimbali katika jamii waliohudhuria kikao

“Uchaguzi ni jambo la kikatiba linalopaswa kutekelezwa na kila raia aliye na sifa stahiki, hivyo ni wajibu wetu kuwahamasisha Wananchi kweda kupiga kura hata katika nafasi ambazo mgombea ni mmoja” Ameeleza

Mkurugenzi Mtendaji wa H/W ya Nyang’hwale amesema kuwa, lengo la kikao hicho kuwahimiza viongozi wa makundi mbalimbali katika Jamii, kuwahamasisha Wananchi wote wenye sifa za kupiga kura wajitokeze kwa wingi ifikapo Oktoba 29, 2025.

Baadhi ya wajumbe wakisikiliza mada zinazowasilishwa kwenye kikao

Kaimu Mwenyekiti wa Kamati ya maridhiano Wilaya, Sheikh Madaraka Shabani, amewapongeza viongozi wa Wilaya kwa kuona umuhimu wa kuwashirikisha viongozi wa dini kuelekea zoezi la uchaguzi Mkuu.

Sheikh Madaraka amewataka viongozi wenzake wa makundi yote waliohudhuria kikao hicho kuwahamasisha Wananchi wanaowaongoza kushiriki Uchaguzi  Mkuu bila kuathiri tunu ya amani iliyoasisiwa kwa muda mrefu na wasisi wa Taifa.

Kaimu Mwenyekiti wa Kamati ya maridhiano Wilaya, Sheikh Madaraka Shabani akiwasilisha mada kwa wajumbe

Nae Kaimu Katibu wa Kamati ya Maridhiano (W) amewataka viongozi wa makundi mbalimbali kukemea ushabiki unaohubiri chuki, machafuko na ubaguzi wa aina yoyote unaohatarisha amani ya Taifa.

Amesema amani ya Tanzania ni tunu ambayo mataifa mengi inatamani kuwa nayo lakini imewatoka tunu hiyo kutokana na sababu mbalimbali ikiwemo machafuko nyakati za uchaguzi.