UZINDUZI WA MIONGOZO YA ELIMU WILAYA NYANG'HWALE

Posted on: September 21st, 2022

Mkuu wa Wilaya ya Nyang’hwale Mhe. Jamhuri David William amezindua Miongozo Mitatu ya Elimu  leo tarehe 21/9/2022 katika Ukumbi wa Shule ya Sekondari Msalala. Uzinduzi huo kwa ngazi ya Wilaya umefanyika na kuhudhuriwa na makundi mbalimbali ikiwemo Viongozi wa Dini, Wakuu wa Taasisi, Wadau wa Elimu, Wakuu wa Idara, Maafisa Watendaji wa Vijiji na Kata, Waratibu Elimu Kata, Wakuu wa Shule na Walimu Wakuu, Wanafunzi na Wananchi kwa ujumla. Miongozo iliyozinduliwa ni Mwongozo wa uteuzi wa Viongozi wa Elimu katika Mamlaka za Serikali za Mitaa na Mikoa, Mkakati wa Kuimarisha ufundishaji na ujifunzaji ngazi ya Elimu Msingi na Changamoto katika uboreshaji wa Elimu Msingi na Sekondari “Nini Kifanyike?”

Katika uzinduzi huo wadau mbalimbali walipongeza mafanikio ya  elimu na jitihada zinazofanywa na Serikali ya Awamu ya Sita chini ya Mh.Samia Suluhu Hassan, Rais wa Jamhuri ya Muungano wa Tanzania.

Aidha Mh. Mkuu wa Wilaya alipongeza ufaulu wa wanafunzikatika ngazi ya Elimu ya msingi na Sekondari na kuagiza jitihada za Kuongeza ufaulu zifanyike, pia amewaomba Wadau wa Elimu kuendelea kusaidia ukuzaji wa elimu katika Wilaya ya Nyang’hwale.