TAARIFA YA UGAWAJI WA VIFAA NA MASHINE

Posted on: August 25th, 2022

NDUGU MGENI RASMI (Kaimu Mkurugenzi Mtendaji ndugu Rajabu Mmunda)

Shirika la SEDIT ni shirika lisilo la kiserikali lililosajiliwa mwaka 2005 linalojishughulisha na Ukuzaji wa kipato cha kaya,kuchochea ukuaji wa kiuchumikupitia kilimo biashara,uchocheaji wa huduma za afya utunzaji wa mazingira na usawa wa kijinsia, na utunzaji wa maliasili na Kuzijengea uwezo  endelevu taasisi juu ya mfumo wa kuweka na kukopa. 

Shirika la SEDIT kwa kushirikiana na shirika la Plan International, na shirika la  Kivulini kwa pamoja yanatekeleza Mradi wa Kutokomeza Ajira Hatarishi na Ukatili kwa Watoto awamu ya 3 (Mwaka 2020-2023) unaotekelezwa kwenye wilaya za Geita ,Nyang’hwale na Chato,Zenye  jumla ya kata 15  ambapo kati ya hizo, wilaya ya NYANGHWALE  ina inatekeleza kwenye kata 4 ambazo ni Shabaka,Busolwa,Nyijundu   na Nyamtukuza .Kata hizo zina  jumla ya Vijiji 14 ambapo mpaka kufikia mwezi Agosti 2022 mradi umefanikiwa kuunda jumla ya Vikundi vya hisa 54 ( kati ya vikundi 198 vya mradi kutoka kwenye Wilaya zote 3) vyenye jumla ya wanachama 1,138 (343 ME  na 795 KE ) ( kati ya wanachama  wote wa vikundi 4705 tulivyonavyo). Vikundi vyote 58 vimeweza kuwa na mtaji wa kiasi cha shilling 141,183,500/=( Kati ya milioni 600,000,000 walizonazo kwa vikundi vyote vya mradi ) ambazo wamezichanga wao wenyewe bila kupewa na mtu au taasisi yeyote ile.Sambamba na hili vikundi 27 vimesajiliwa kwa mujibu wa shereia ya huduma ndogo za fedha ya Mwaka 2018 na vikundi 27 vilivyobakia , taratibu zingine za usajili zinaendelea.

NDUGU MGENI RASMI

Kupitia vikundi hivi vya Hisa mradi umeweza kuwapatia mafunzo ya ujasiliamali kupitia kwa wawezeshaji         Jamii na kuwawezesha wanachama kuanzisha biashara na miradi ya mmoja mmoja na pia vimeanzisha miradi mbalimbali ya vikundi ikiwa ni pamoja na ununuzi wa mazao,ulimaji bustani,ufyatuaji wa tofali,useremala,ufugaji wa kuku ,ushonaji wa nguo n.k. Aidha ifahamike kuwa  vikundi 4 vya Vijana chini ya Miaka 25 vilipatiwa mafunzo stadi kwa kushirikiana na Shirirka la SIDO na Kuwawezesha Vijana 53( ushonaji 32,seremala 5,Ufugaji kuku 16) wa Wilaya ya NYANGHWALE  kupata Mafunzo yatakayowawezesha vijana kujiajiri ikiwa ni pamoja na Mafunzo ya Ufugaji wa Kuku na Ushonaji  na useremala. Vijana wote wameshahitimu mafunzo hayo na baaadhi yao utawagawia vitendea kazi hii leo.

NDUGU MGENI RASMI

Kutokana na jitihada zilizoonyeshwa na vikundi 12 (kati ya vikundi 58) vilivyoorodheshwa hapa chini katika ubunifu na Usimamizi wa  miradi mbalimbali ya vikundi kulingana na maeneo yao. Sisi kama Mradi na wadau wa Maendeleo tumeona ni vema kuwaunga mkono kwa kuwapatia vifaa mbalimbali ambavyo ni :-

• Overlock Machine 1
• Cherehani 8
• Mashine ya Umwagiliaji 1
• Mipira ya Umwagiliaji 1
• Mashine za Kutotoleshea Vifaranga(Uwezo wa kutotolesha  mayai 264)  1
• Mizinga ya nyuki 6.
• Vifaa vya lishia na kunyweshea kuku

Vifaa/Mashine hizi zote kwa pamoja vina thamani ya shilingi 7,022,500/=, kati ya hizo kiasi cha shilingi 6,566,500/= zimetolewa na mradi  sawa na 94% na kiasi cha shilingi 456000/= zimechangwa na vikundi 1 katika ununuzi wa vifaa hivyo sawa na 6%. Ni matarajio ya Mradi kuwa vikundi vitavyokabidhiwa mashine hizi kwa siku ya  leo na  kesho,vitaenda kuvitumia vifaa hivi kwa malengo yaliyokusudiwa na kuongeza uzalishaji na kujiongezea kipato. Aidha vifaa hivi vitakwenda kuzalisha fursa za  Ajira kwa wanachama wanufaika wa Mradi na kuunga mkono jitihada za serikali za kupunguza wimbi la Vijana wasio na Ajira katika wilaya yetu ya Nyanghwale .

Tunatoa wito kwa vikundi vyote vitavyokabidhiwa vifaa hivi,viende vikawaunganishe na kuimarisha Maendeleo ya vikundi hasa Katika kipindi hiki kinachoelekea mwisho wa Mradi mwezi februari 2023. 

NDUGU MGENI RASMI

Tungependa utambue uwepo wa Mashirika wenza ambao ni Shirika la Plan Internatriona na Shirirka la Kivulini ambao kwapamoja na sisi tunatekeleza mradi mmoja wa Kutokomeza Ajira Hatarishi na Ukatili kwa watoto awamu ya 3.Baadi ya timu ya mradi  wameshindwa kuhudhuria kutokana na majukumu mbalimbalia ya kusukuma Maendeleo. Tunayo furaha sasa kukukabidhi vifaa na Mashine hizi vipya kabisa ili nawe uwakabidhi wawakilishi wa vikundi walioweza kufika leo .

Changamoto.

1. Kuna idadi kubwa ya vijana wanaohitaji vitendeakazi kama vile cherehani na vifaa vya kutotolesha vifaranga.Mf. kutokama na bajeti ya mradi tuliyokuwa nayo tumeweza kuwapatia vyerehani 9 tu kati ya vijana 59.Ombi letu tunaomba maafisa Maendeleo ili kuwafikia na kuona namna bora ya kuwasaidia kupata mkopo wa vitendea kazi na kuwezesha waweze kujiajiri.

2. Ufinyu wa bajeti katika kuyafikia maeneo yote ya Halmashauri ya Wilaya ya Nyanghwale .

Vikundi vingi kuwa na miradi mizuri ya pamoja , lakini kutokana na ufinyu wa bajeti hatukuweza kutoa vifaa kwenye vikundi hivyo.Ombi letu Timu ya Maafisa Maendeleo kuendelea kuvitembelea na kuona namna bora ya kuwasaidia mikopo ya vitendea Kazi.

ORODHA YA VIKUNDI VITAVYOKABIDHIWA VIFAA.

Mwisho

Mungu ibariki Tanzania, Mungu Ibariki NYANGHWALE .