SERIKALI YAKABIDHI MIPIRA 91 NA VIFAA VYA TEHAMA

Posted on: May 7th, 2024

Mkuu wa Wilaya ya Nyang’hwale Mhe. Grace Kingalame leo Mei 07, 2024 amekabidhi mipira ya mchezo wa mpira wa miguu 91 na vifaa vya TEHAMA kwa ajili ya Shule za Msingi na Sekondari.

Mipira hiyo imekabidhiwa na Serikali kupitia Chama cha Mpira wa Miguu Tanzania (TFF) kwa Shule za Msingi  74 na Shule za Sekondari 17 kwa uwiano wa mpira mmoja kwa kila shule.

Aidha, Mhe. Kingalame amekabidhi vifaa vya TEHAMA kwa ajili ya Shule ya Msingi Nyang’hwale A kupitia mpango wa BOOST kwa lengo la kuimarisha taaluma shuleni hapo.

Vifaa hivyo ni pamoja na projekta 2, Skrini  1 na stendi 2, televisheni janja 2 Inch 65, Kipaza sauti 1, kamera 2 (Zoom camera na Digitali camera), na kipanga njia kisichotumia waya (Wireless Router).

“Napenda kuwaasa walimu wa michezo kutumia fursa ya vifaa hivi kuhamasisha michezo katika shule mnazozisimamia na kuhakikisha Watoto wanashiriki michezo mbalimbali bila kuathiri taaluma” Amesema Mhe. Kingalame.

Mhe. Kingalame ameongeza kuwa vifaa vya TEHAMA alivyokabidhi leo ni ishara ya nia ya dhati ya serikali katika kuhakikisha Wanafunzi wanashiriki kwa vitendo kwenye masomo ya TEHAMA.

Aidha, kwa niaba ya waliopokea vifaa hivyo,Mwalimu wa Shule ya Msingi Samia, Ndugu Leonia Paulo  amesema kuwa wanaishukuru sana Serikali kwa kuwapatia vifaa hivyo na kuahidi kuleta mabadiliko makubwa katika sekta hiyo ya michezo.