NYANG’HWALE YANG’AA MBIO ZA MWENGE WA UHURU 2023

Posted on: August 2nd, 2023

Msafara wa Mbio za Mwenge wa Uhuru 2023 umewasili Mkoani Geita ukitokea Mkoa wa Shinyanga kupitia Wilaya ya Nyang’hwale leo Agosti 2, 2023. Msafara huo Umeongozwa na Kiongozi wa Mbio za Mwenge wa Uhuru 2023, Ndugu, Abdallah Shaib Kaim akiambatana na wenzake watano.

Akipokea mbio hizo Wilayani Nyang’hwale, Mkuu wa mkoa wa Geita, Mhe. Martine Shigela amesema mkoa wa Geita umejipanga vyema kupokea mbio hizo na kuukaribisha kuangaza miradi yote ya maendeleo inayotekelezwa na Serikali mkoani Geita.

Wilaya ya Nyang’hwale ilikua na miradi 10 ya kupitiwa na Mwenge wa Uhuru 2023, ambapo miradi 02 imezinduliwa, miradi 05 imetembelewa, 03 imewekewa mawe ya msingi. Katika miradi hiyo Nguvu za wananchi  ina thamani ya Tsh, Milioni 40.3, Serikali kuu Tsh. Milioni 540.3, Halmshauri Tsh. Milioni 292.4 na Wahisani Bilioni 1.1

Aidha, miradi yote 10 imeridhiwa kuzinduliwa, kuwekewa mawe ya msingi, na kutembelewa na Kiongozi huyo wa Mbio za Mwenge wa Uhuru 2023. Miradi hiyo ni pamoja na kutembelea mradi wa maji katika vijiji vya Bulangale, Nyang’holongo na Nundu, kuweka jiwe la msingi ofisi ya kata ya Nundu, na Mradi wa lishe Zahanati ya Nundu.

Pia,Uzinduzi wa klabu ya kupambana na dawa za kulevya, kutembelea shughuli ya upandaji miti, Uwekaji jiwe la msingi Shule mpya ya Busengwa, Uwekaji jiwe la msingi Zahanati mpya ya Ikangala, Uzinduzi wa Klabu ya Mapambano ya Kupinga Rushwa na Kutembelea mradi wa matengenezo ya Barabara ya Ifugandi- Bululu na Nyamtukuza.

Mkuu wa Wilaya ya Nyang’hwale, Mhe. Grace Kingalame, amemshkuru Kiongozi wa mbio za Mwenge wa Uhuru 2023, na wakimbiza mwenge wenzake kwa kuridhia kutembelea miradi hiyo na kuahidi kufanyia kazi mapungufu yote waliyobaini kwenye badhi ya miradi.

Sambamba na hayo, Katibu Tawala Wilaya ya Nyang’hwale, Bi Kaunga Amani aliwasilisha risala ya utii mbele ya Viongozi wa mbio hizo na kumshukuru sana Mhe. Rais wa Jamhuri ya Muungano wa Tanzania, Dkt. Samia Suluhu Hassan kwa kuendelea kutoa fedha kwa miradi ya maendeleo.