NYANG'HWALE YAANZA ZOEZI LA CHANJO DHIDI YA UGONJWA WA MAPAFU YA NG,OMBE

Posted on: August 27th, 2025

Idara ya Kilimo, Mifugo na Uvuvi Jana Agosti 26, 2025 imezindua zoezi la utoaji wa Chanjo dhidi ya ugonjwa wa homa ya mapafu ya Ng'ombe ijulikanayo kwa jina Contagious Bovine pleuropneumonia (CBPP) katika Kata ya Nyugwa Kijiji Cha kijinga.

Akizungumza na Wafugaji, Daktari wa Mifugo, Dkt. Suzana Rhombo amewataka Wafugaji kujitokeza katika zoezi la uchanjaji na kuachana na mila na desturi potofu za kuficha mifugo dhidi ya chanjo hizo.

Dkt, Suzana amesema Serikali ya Awamu ya sita kupitia Wizara ya Mifugo na Uvuvi imetoa ruzuku ya dozi 170 za chanjo ambazo zitachanja ng’ombe 170,000 zitakazomuwezesha mfugaji kulipia gharama nafuu ya Tsh 500 tu, badala ya Tsh. 1000 kwa kila ng'ombe.

“Zoezi hili linaambata na zoezi la uwekaji wa hereni kwa Ngombe waliochanjwa na kuhifadhi taarifa zao kidijitali ambapo hereni hizo zitatusaidia kwenye utambuzi wa mifugo yote iliyopatiwa chanjo” Ameeleza

Aidha, amesema umuhimu wa zoezi hilo kwa Wafugaji ni pamoja na kudhibiti vifo vya ghafla kwa mifugo, kudhibiti magonjwa yasiyo na tiba na kupunguza gharama za matibabu ya mifugo kwa Mfugaji.

Zoezi hilo linatarajiwa kufanyika kwenye Kata zote 15 zilizopo ndani ya Wilaya ya Nyang'hwale ili kuwasaidia wafugaji kuiepusha mifugo yao dhidi ya tishio la ugonjwa homa mapafu ya Ng’ombe.