MSIMAMIZI WA UCHAGUZI WA JIMBO AFUNGUA MAFUNZO YA UCHAGUZI KWA WASIMAMIZI WASAIDIZI

Posted on: August 4th, 2025

Msimaizi wa  Uchaguzi wa Jimbo la Nyang’hwale Ndg. David Mabula amefungua mafunzo ya Wasimamizi Wasaidizi wa Uchaguzi ngazi ya Kata kwa ajili ya maandalizi ya Uchaguzi Mkuu wa Rais, Wabunge na Madiwani.

Mafunzo hayo yamefunguliwa leo Agosti 04, 2025 katika ukumbi wa Halmashauri yatakayofanyika ndani ya siku tatu kuanzia leo tarehe 04- 8- 2025 hadi 06- 08- 2025.

 Akiwa katika mafunzo hayo Msimamizi wa Uchaguzi wa jimbo amewataka Wasimamizi Wasaidizi wa Uchaguzi kuzingatia utendaji wa kazi na uwajibikaji katika kipindi chote cha Utumishi kwa Tume hadi watakapokamilisha jukumu la Uchaguzi Mkuu.

Aidha, amewataka Wasimamizi Wasaidizi wa Uchaguzi kusoma Katiba, Sheria, Taratibu na Miongozo na kufuata maelekezo mbalimbali yatakayotolewa na Tume Huru ya Uchaguzi.

Afisa Uchaguzi Wilaya Ndg. Dickosn Msumari ameeleza majukumu ya Wasimamizi wa Uchaguzi ambapo amesema Wasimamizi wanapaswa kupokea vifaa kutoka Tume, kuvihakiki , kuhifadhi na kuvisambaza kwenda katika vituo vya kupigia Kura kwa hali ya usalama.

Mada zengine ambazo zimewasilishwa ni Pamoja na Uteuzi wa Wagombea, Maadili na Kampeni za Uchaguzi, Wajibu na Majukumu ya Watendaji wa Vituo na Utambulisho  wa Mawakala wa Vyama vya Siasa.

“Kura yako Haki yako: Jitokeze Kupiga Kura”