MPANGO WA INTER HOUSE COMPETITION WAZINDULIWA KUDHIBITI UTORO SHULENI

Posted on: August 13th, 2025

Kaimu Mkurugenzi Mtendaji wa Halmashauri ya Wilaya ya Nyang'hwale Ndg. Ezekiel Ntiriyo leo Agosti 13 amezindua Mpango wa INTER HOUSE COMPETITION wenye lengo la kudhibiti Utoro katika Shule ya Sekondari Mwingiro.

Inter House Competition ni programu maalumu ya kudhibiti utoro Shuleni kwa kuhusisha uundaji wa vikundi shindani vya ufugaji nyuki, kilimo cha bustani, usindikaji wa maziwa na utengenezaji wa sabuni kwa lengo la kuchochea hali ya upatikanaji wa Chakula Shuleni,

Akizungumza na Wanafunzi Ndg. Ntiriyo amewashauri kulima Bustani za mbogamboga zitakazowasaidia kudhibiti changamoto ya chakula shuleni hali ambayo itaongeza mahudhurio ya wanafunzi.

Aidha, ameelekeza wazazi kupeleka wanafunzi wa kike kukaa Bweni ili kuwaepusha na vishawishi vya mtaani vinavyoweza kupelekea mimba za utotoni na kukatisha ndoto zao.

Pia, Kaimu Afisa Maendeleo ya Jamii Wilaya Ndg. Dalius Nyanda amewahimiza wazazi kufuatilia maendeleo ya watoto wao shuleni ili kutambua hali ya kitaaluma na tabia zao pindi wakiwa Shuleni.