Mimba, kikwazo kikubwa cha Elimu kwa watoto wa Nyang'hwale

Posted on: June 18th, 2017

Kwa niaba ya Mkuu wa Wilaya Nyang'hwale, Katibu tawala wa Wilaya ndugu Fabian Yinza amebainisha kuwa Mimba za Utotoni ni kikwazo kikubwa cha Elimu kwa watoto wa Shule za Msingi na Sekondari Wilayani hapa. Amesema hayo alipokua akitoa Hotuba kwenye Maadhimisho ya Siku ya Mtoto wa Afrika kwenye Viwanja vya Shule ya Msingi KONA alipokua Mgeni Rasmi siku ya Ijumaa tarehe 16, Juni, 2017.

Akitoa salamu hizo ndugu Yinza aliwataka wazazi kuhakikisha Wanawapa Malezi bora watoto wao kwa kuzungumza nao juu ya Umuhimu wa Elimu na madhara ya kujihusisha na Mapenzi wakiwa bado wanafunzi.

Aidha, alitaja vikwazo vingine kadhaa vinavyowarudisha nyuma Watoto kwenye kufikia malengo yao kama Watoto Kutopewa Elimu ya Awali, kukosa Chanjo mbalimbali, Mabaraza ya Watoto kutokaa kujadili changamoto za Watoto, Jamii kutoshirikiana kwenye Malezi ya watoto, Lishe duni na Wazazi kutohudhuria Kliniki.

Mhe. Yinza ameahidi kuwa Madawati ya Jinsia ya Polisi yapo Imara na kuwa Serikali itasimamisha Sheria za watoto kikamilifu ili kuwalinda na haitosita kuchukua Hatua kwa mtu au Taasisi yoyote itakayokiuka haki za watoto hasa atakayempatia Mimba Mwanafunzi.

Awali wakiwa wanasoma Risala kwa Mgeni Rasmi, Watoto wa Shule hiyo kwa niaba ya Wenzao wa Nyang'hwale walielezea baadhi ya Changamoto zinazowanyima Fursa ya Elimu Bora kuwa ni pamoja na, Chakula duni kwenye Familia, Kutoshirikishwa kwenye Maamuzi ya Familia, Kubaguliwa kwa Watoto wa kike tofauti na wa kiume, Usalama duni kwa watoto,  Unyanyasaji wa watoto kama Kubakwa, na Ndoa za Utotoni