MHE. SHIGELA AFANYA ZIARA YA KUKAGUA MIRADI YA MAENDELEO NYANG'HWALE

Posted on: August 20th, 2025

Mkuu wa Mkoa wa Geita, Mhe. Martine Shigela, leo Agosti 20, 2025 ameambatana na Waziri wa Madini Mhe. Anthony Mavunde kukagua miradi ya Maendeleo Wilayani Nyang'hwale.

Mhe, Shigela ametembelea na kukagua ujenzi wa mradi wa Zahanati ya Kijiji cha Nyang'hwale unaotekelezwa kwa fedha za mapato ya ndani ya Halmashauri na kuhimiza mradi huo uweze kukamilika kwa wakati.

"Nawaelekeza wataalamu wote wanaohusika na ujenzi wa mradi huu, ukamilike kwa wakati kwa kuzingatia viwango vinavyokubalika na Serikali ili Wananchi waanze kupata huduma hapa" Ameeleza.

Aidha, Waziri wa Madini, Mhe. Anthony Mavunde amewapongeza viongozi wote wa Wilaya ya Nyang'hwale kwa usimamizi mzuri wa miradi ya maendeleo inayoendelea kutekelezwa maeneo mbalimbali ya Wilaya.

Kumalizika kwa ujenzi wa Zahanati ya Kijiji cha Nyang'hwale kutasogeza huduma za Afya karibu na Wananchi na Kupunguza idadi ya vifo vya Mama na Mtoto.