MAFUNDI UJENZI NA WAZABUNI WASAINI MIKATABA YA KUANZA UJENZI WA MIRADI YA BOOST

Posted on: September 26th, 2025

Halmashauri ya Wilaya ya Nyang'hwale imesaini mkataba wa makubaliano na mafundi na wazubini juu ya utekelezaji wa miradi ya BOOST kwa mwaka wa fedha 2025/2026.

Zoezi hilo limefanyika jana Septemba 24, 2025 ambapo Mratibu wa miradi ya BOOST Ndg. Vedasto Milonga amesimamia utekelezaji wa zoezi hilo.

Ndg. Milonga ametoa rai kwa Walimu na Bodi ya Shule kushirikiana katika kusimamia miradi ili ikamilike kwa ubora unaotakiwa na kwa wakati.

Mikataba hiyo itahusisha Ujenzi vya Vyumba vya Madarasa matatu, na Matundu ya Vyoo 6 Shule ya Msingi Bukungu.

Ujenzi wa Vyumba vya Madarasa mawili (2) na Nyumba ya Mtumishi (2 in 1) 1 Shule ya Msingi Kaboha.

Ujenzi wa Vyumba  vya Madarasa mawili (2) na Matundu ya Vyoo 6 Shule ya Msingi Lubando na Ujenzi wa Vyumba vya Madarasa mawili (2) na Matundu ya Vyoo 13 katika Shule ya Msingi Bukulu.

BOOST ni  Programu yenye lengo la kuboresha upatikanaji fursa sawa katika ujifunzaji bora wa Elimu ya Awali na Msingi Tanzania Bara.