DC KINGALAME AKABIDHI MBEGU ZA MAHINDI KWA SHULE ZOTE ZA SEKONDARI NA MSINGI

Posted on: October 9th, 2025

Mkuu wa Wilaya ya Nyang'hwale Mhe. Grace Kingalame leo Oktoba 08, 2025 amekabidhi Mbegu za Mahindi Kilo 1,488 kwa Shule zote za Msingi na Sekondari.

Tukio hilo limefanyika katika ukumbi wa Bwalo la Shule ya Sekondari Msalala ambapo limejumulisha Waratibu wa Elimu Kata,  Walimu wa Shule za Msingi na Walimu wa Sekondari.

Mbegu hizo ni kwa ajili ya kupanda kwenye mashamba ya Shule kuelekea msimu mpya wa Kilimo ikiwa ni sehemu ya mkakati wa Serikali kuimarisha upatikanaji wa Chakula Shuleni.

Mhe. Grace Kingalame amewataka Maafisa Ugani kuhakikisha wanasimamia Mashamba ya Shule vizuri ili kulima Kilimo chenye tija kitakachisaidia uzalishaji chakula kwa wingi.

Halmashauri kupitia Mapato ya ndani imenunua Mbegu kilo 1, 488 ambazo zimetolewa  katika Shule zote za Msingi na Sekondari ambapo kila Shule imepatiwa Mbegu kilo 16 kwa ajili ya kupanda katika Mashamba ya Shule.