DC KINGALAME AFANYAZIARA YA KUKAGUA MIRADI YA MAENDELEO NA KUTATUA KERO ZA WANANCHI

Posted on: September 26th, 2025

Mkuu wa Wilaya ya Nyang’hwale, Mhe. Grace Kingalame, Jana Septemba 25, 2025, amefanya ziara ya kukakugua Miradi ya Maendeleo katika kata za Shabaka, Nyang’hwale na Kaboha.

Mhe. Kingalame akiwa Kata ya Shabaka amekagua ujenzi wa Bweni la Shule ya Sekondari Shabaka na kuelekeza kuongezeka kwa kasi ya ujenzi ili Wanafunzi waanze kutumia bweni hilo.

Aidha, Mhe. Kingalame amefanya Mkutano wa hadhara katika Kitongoji cha Imala Baruti kilichopo Kijiji cha Shabaka ambapo amesikiliza kero za Wananchi na kueleza kuwa Serikali inaendelea kuboresha huduma za Afya, Elimu, Umeme na Barabara kulingana na upatikanaji wa fedha.

"Oktoba 29, 2025 tunaenda kupiga kura kuchagua Rais, Wabunge na Madiwani hivyo basi wananchi wote wenye sifa ya kupiga kura nendeni mkachague viongozi walio Bora kwa Amani na Utulivu na usikubali mtu yeyote akushauri kuvuraga uchaguzi. Amesema Mhe. Grace Kingalame.

Vile vile Mhe. Kingalame amekagua ujenzi wa Jengo la wagonjwa wa nje (OPD) katika Kituo cha Afya Nyang’hwale, ambao umegharimu Tsh. Milioni 159.9 Kutoka Mfuko wa Maendeleo ya Jamii (TASAF) na Tsh Milioni 8.6 ikiwa nguvu za Wananchi.

Pia, Mhe Kingalame amefanya mkutano wa hadhara Kijiji Cha Ibambila na kuielekeza Serikali ya Kijiji kutenga eneo zuri linalofaa kwa ujenzi wa Shule ya msingi shikizi ambayo itapunguza kutembea umbali mrefu kwa Wanafunzi kwenda Shule ya msingi kaseme na Ibambila.

Akijibu hoja ya mwananchi, Meneja wa TANESCO Wilaya, Mhandisi Lucas Karoli, amesema hadi sasa Vitongoji 88 ndani ya Wilaya ya Nyang'hwale vimeunganishiwa umeme na Mradi unaendelea kwenye Vijiji 5, huku lengo la Serikali likiwa ni kufikisha umeme kwenye kila kitongoji ifikapo 2030.

Nae Mkuu wa Dawati la Elimu kwa Umma TAKUKURU Wilaya ya Nyang'hwale, Ndg. Leticia George, amewataka Wananchi kuepuka kujihusisha na vitendo vya rushwa kuelekea Uchaguzi Mkuu wa mwaka 2025.

Mkuu wa Wilaya ya Nyang'hwale Mhe. Grace Kingalame akizungumza na Wananchi.

Mkuu wa Wilaya ya Nyang'wale Mhe. Grace Kingalame akiwa katika ukaguzi wa Miradi.