KAMATI YA FEDHA, UONGOZI NA MIPANGO YAKAGUA MIRADI YA MAENDELEO

Posted on: February 14th, 2024

Kamati ya Fedha, Uongozi na Mipango, Wilaya ya Nyang'hwale, leo  Februari 12, 2024 imefanya ziara ya kukagua miradi ya maendeleo.

Kamati hiyo imeongozwa na Mwenyekiti wa Kamati, ambae pia ni Mwenyekiti wa Halmashauri, Mhe. John Isack John.

Katika ziara hiyo wajumbe wa kamati walipata fursa ya kutembelea na kukagua miradi kadhaa ambayo ipo katika hatua mbalimbali za utekelezaji

Miongoni mwa miradi hiyo ni pamoja na ukarabati wa Shule Kongwe, Shule ya Msingi Nyang'hwale "A". Ambapo katika shule hiyo, ukarabati wa vyumba vitano vya madarasa unaendelea kwa gharama ya Tsh. Milioni 80, fedha kutoka serikali Kuu.

Kamati pia ilitembelea mradi wa ukamilishaji wa Zahanati ya Kijiji cha Lubando. Ambapo ukamilishaji wa Zahanati hiyo umeanza baada ya Serikali Kuu kutenga fedha Tsh. Milioni 50

Aidha, Ujenzi wa Jengo la wagonjwa wa nje (OPD) katika kituo cha Afya Nyang'wale ni miongoni pia mwa mradi uliopitiwa na Kamati. Mradi huo unatekelezwa kwa fedha Tsh. Milioni 160.7 kutoka Serikali Kuu kupitia Mfuko wa Maendeleo ya Jamii (TASAF).

Mradi wa ujenzi wa choo cha stendi ya Ikangala unaotekelezwa kupitia fedha za CSR kwa thamani ya Tsh. Milioni 62 pia ulitembelewa na wajumbe wa kamati hiyo ya fedha.

Mradi huo unahusisha ujenzi wa matundu ya vyoo 7, ambapo matundu 3 kwa jinsia ya kike na matundu 4 kwa jinsia ya kiume. Mradi huu wa ujenzi wa choo unatarajiwa kukamilika mapema ifikapo Machi 5, 2024.

Mwenyekiti wa kamati akishirikiana na wajumbe wake, wamesisitiza utekelezaji wa miradi hiyo uakisi thamani ya fedha na ikamilike kwa wakati ili wanachi waanze kupata huduma haraka iwezekanvyo

Wajumbe wa kamati hiyo wamemshukuru sana Rais wa Jamhuri ya Muungano wa Tanzania, Mhe. Dkt. Samia Suluhu Hassan kwa kuleta fedha nyingi kwa jili ya utekelezaji wa miradi mbalimbali Wilayani Nyang'hwale.