WAKUSANYA MAPATO WATAKIWA KUPELEKA FEDHA BENKI KWA WAKATI

Posted on: August 29th, 2025

Kaimu Mkurugenzi wa Halmashauri ya Wilaya ya Nyang’hwale, Ndg. Ezekiel Ntiriyo, leo Agosti 29, 2025, amezungumza na wakusanya mapato ya Halmashauri katika Ukumbi wa mikutano wa Halmashauri.

Ndg. Ntiriyo amewapongeza wakusanya mapato wote waliofaulu mtihani wa usaili wa kazi ya kukusanya mapato ya Halmashauri uliofanyika hivi karibuni.

Aidha, ameelekeza kuwa fedha zinazokusanywa zinapaswa kupelekwa benki kwa wakati ili kuepuka upotevu utakaoisababishia Halmashauri hasara.

Vilevile, ameelekeza nyaraka zinazotumika kukusanyia mapato kutunzwa vizuri ili kubaki na kumbukumbu ya miamala yote ambayo imetumika kuweka fedha Benki.

Ndg, Ntiriyo amewataka wakusanya mapato kutunza mashine za kukusanyia fedha (POS) ili kuipunguzia Halmashauri mzigo wa kununua mashine (POS) nyengine.

Sambamba na hayo amewataka wakusanya mapato kujiepusha na vitendo vya rushwa ya aina yoyote, hivyo wafanye kazi kwa kuzingatia maadili.