UZINDUZI WA MSIMU WA KILIMO CHA PAMBA KIWILAYA

Posted on: November 17th, 2017

Kwa niaba ya Mkuu wa Wilaya ya nyan’ghwale , Afisa tarafa wa Tarafa ya Msalala Ndugu Vitalis Ndunguru amewataka wananchi kulima Kilimo cha Pamba chenye tija ili kupata mavuno mengi. Amesema hayo Jumatano ya wiki hii, tarehe 25/ Novemba 2017 alipokua akizindua Msimu wa Kilimo cha zao hilo kwenye shamba kubwa la pamoja lililopo kijijini Nyakaswi.

Aidha, kwa niaba ya Mkurugenzi Mtendaji (W), Afisa Ushirika ndugu Rajabu Mmunda alisisitiza Umuhimu wa zao hilo kwa sasa kwani Serikali ya awamu ya tano inasisitiza Uchumi wa Viwanda hivyo nasi tuna wajibu wa kujenga  Kiwanda cha kuchambua Pamba na cha kutengeneza vitendanishi na Vifaa tiba kwa ajili ya kutumia kwenye Zahanati zetu kama vile ‘bandage’.

Awali Afisa Kilimo (W) ndugu Gudala Kija aliwatia moyo wananchi  na Watumishi walio tayari kulima Pamba kuwa mashamba bado yapo hivyo kila anayehitaji atapata shamba. Alitolea Mfano kuwa hadi sasa bado hekari sabini zilizopimwa hazijachukuliwa hivyo watu wajitokeze mapema kabla waweze kulima kabla ya disemba 15 ambapo ndio mwisho wa kupada Pamba kitaalamu.

Afisa Ugani wa kata ya Nyang’hwale ndugu Kilonzo aliwataka wananchi kutumia wataalamu wa Kilimo walio kwenye maeneo yao ili kupata msaada ambao utafanikisha Kupata mazoa mengi na bora.