TASAF YATOA MAFUNZO YA NeST KWA WATENDAJI WA VIJIJI NA WAJUMBE WA CMC

Posted on: January 24th, 2025

Kaimu Mkrugenzi wa Halmashauri ya Wilaya ya Nyang'hwale Ndg, Majagi Maiga amefungua mafunzo ya mfumo wa Serikali wa Manunuzi NeST kwa watendaji wa Vijiji na Wajumbe wa kamati ya Maendeleo (CMC) katika Ukumbi wa Halmashauri ya Wilaya ya Nyang'hwale.

Akizungumza na Wajumbe wa CMC Ndg, Maiga amewasisitiza kutumia Mfumo wa NeST katika kufanya manunuzi kwenye miradi ya TASAF kama Serikali ilivyooelekeza kufikia Januari mwaka 2025, TASAF ianze kutumia mfumo huo.

Aidha Afisa Ugavi Wilaya Ndg, Deonatus Mtani amefundisha jinsi ya kujisajili katika mfumo wa manunuzi NeST, jinsi ya kupokea mradi na kufuata taratibu zote mpaka hatua ya kumpata mzabuni kwenye mradi husika kwa wajumbe hao.

Mafunzo hayo yamefanyikaa kwa vitendo ambapo kila mjumbe alitakiwa kuingia kwenye mfumo huo ili kuhakikisha Wajumbe wanaelewa vizuri na kwenda kutumia mfumo huo katika kutangaza zabuni kwenye miradi inayotekelezwa.

Afisa Mtendaji wa Kijiji cha Shibalanga, Ndg, Abdul Mihayo amesema mfumo huo utawasaidia wajumbe kuokoa muda kwani hapo awali walikuwa wakitoka umbali mrefu kwenda kusambasa zabuni hizo, pia utawarahisishia kuleta uwazi na kurahisisha kupata wazabuni kwa haraka.