SERIKALI KUJENGA MRADI WA UMWAGILIAJI BWAWA LA NYAMGOGWA

Posted on: May 24th, 2025

Mkuu wa Wilaya ya Nyang'hwale, Mhe. Grace Kingalame jana Mei 23, 2025 amezungumza na Wananchi wa Kata ya Shabaka juu ya uzinduzi wa mradi mkubwa wa umwagiliaji kupitia bwawa la Nyamgogwa utakaogharimu Tsh.Bilioni 15.

Mkuu wa Wilaya ya Nyang'hwale Mhe, Grace Kingalame akizungumza na Wananchi wa Kata ya Shabaka

Mhe.Kingalame amesema kuwa mradi huo ni sehemu ya juhudi za serikali ya awamu ya sita katika kuboresha sekta ya kilimo kupitia matumizi ya teknolojia ya umwagiliaji, hasa katika maeneo yenye changamoto ya upatikanaji wa mvua za uhakika.

Katibu Tawala wa Wilaya ya Nyang'hwale, Ndg, Kaunga Omari akizungmza na Wananchi juu ya kujengwa kwa mradi wa umwagiliaji Nyamgogwa

Aidha, ametoa wito kwa wananchi juu ya kutunza vyanzo vya maji vinavyotiririsha maji kwenye bwawa hilo ikiwa ni pamoja na kutojihusisha na ukataji wa miti kwenye hifadhi ya pori la mienze  ili kuufanya mradi huo kuwa endelevu na wenye tija.

Mkurugenzi Mtendaji wa H/W Nyang'hwale akitoa elimu kwa Wananchi juu ya mradi wa umwagiliaji

Afisa Kilimo (W) Ndg David Mabula amesema mradi huo utakapokamilika utajumuisha maeneo ya kunyweshea mifugo, viwanda vya kuchakata nafaka  kama vile Mpunga na maghala ya kuhifadhia mazao yatakayopatikana.

Sambamba na hayo Afisa Maendeleo ya jamii (W), Ndg, Majagi Maiga, amewahimiza vijana na wanawake kuchangamkia fursa zitakazojitokeza kwa kuunda vikundi vitakavyojishughulisha na Kilimo na ununuzi wa nafaka.

Afisa Kilimo (W) Nyang'hwale akitoa elimu kwa Wananchi juu ya mradi wa umwagiliaji