MAFUNZO YA UFUGAJI NYUKI NA UTUNZAJI WA MAZINGIRA KUNUFAISHA WAFUGAJI NYANG'HWALE.

Posted on: November 1st, 2024

Mhifadhi Misitu kutoka Wakala wa Misitu Tanzania (TFS) kwa Wilaya ya Nyang'hwale, Ndg.  Joyce Jonas kwa Kushirikiana na Afisa Misitu Wa Halmashauri ya wilaya ya Nyang'hwale Ndg. Benson Kafula Jana Oktoba 31, 20204, Wametoa mafunzo ya Ufugaji nyuki kwa Vikundi na watu binafsi wanaofuga nyuki katika Kata za Bukwimba na Nyamtukuza.

Afisa Misitu Mwandamizi  Wilaya ya Chato Ndg.Gerald Katunzi akitoa mafunzo ya ufugaji nyuki kwa vikundi na watu binafisi

Mafunzo hayo yamejikita katika aina, makundi na tabia za nyuki, uanzishaji na utunzaji wa Manzuki za Nyuki, sera na miongozo ya ufugaji nyuki, zana za kisasa za Ufugaji nyuki, mazao yatokanayo na nyuki (Asali, Nta na Sumu ya nyuki), Uchakataji na ufungashaji wa mazao ya Nyuki.

Mhifadhi Misitu kutoka Wakala wa Misitu Tanzania Ndg.Joyce Jonas akitoa mafunzo ya ufugaji nyuki.

Aidha, Mwezeshaji wa mafunzo hayo Afisa Uhifadhi Mwandamizi wa Misitu Wilaya ya Chato Ndg, Gerald Katunzi, amesisitiza juu ya Zana za Ufugaji nyuki za kisasa na kuondokana uhifadhi wa kutumia mizinga ya jadi ya magogo ili kuongeza uzalishaji wa mazao ya nyuki katika ubora na kuboresha maisha ya wafugaji hao.

Afisa Misitu wa Halmashauri ya Wilaya ya nyang'hwale Ndg. Benson Kafula akiwasilisha mada namna ya kufugaji nyuki.

Pia amewaelekeza wafugaji hao kusajili vikundi ili kunufaika na fursa kutoka Mfuko wa Wakala wa misitu Tanzania (TFS) ambapo hutoa ruzuku kwa wafugaji wa nyuki, kupata fedha za asilimia mikopo ya 10% kutoka Halmashauri ya Wilaya ya Nyang'hwale, ambazo zitawasaidia kununua mizinga ya kisasa pamoja na mavazi ya kuvunia asali.

Afisa Misitu Mwandamizi  Wilaya ya Chato Ndg.Gerald Katunzi akielezea vipimo vya mzinga wa nyuki kwa vikundi na watu binafisi.

Halikadhalika Ndg, Gerald amewataka wafugaji kuachana na vifungashio visivyo rasmi kama vile chupa za vileo na badala yake kutumia chupa mahususi kwa kufungashia asali ambavyo huandaliwa na vyama vya wajasiriamali ambavyo vitaweza kumvutia mteja kununua na kuongeza thamani ya bidhaa hiyo.

Picha ya pamoja ya Maafisa wa misitu kutoka Wilayani na wananchi

Vikundi vya Wananchi na watu binafisi wameshukuru kupata Elimu hiyo ya Ufugaji nyuki itakayowasaidia kuongeza uzalishaji wa mazao ya nyuki na kuongeza ubora wa asali watakayovuna kwa kutumia vifaa vya kisasa.