`MAAFISA MAENDELEO WATAKIWA KUSHAURI MIRADI YENYE TIJA KWA VIKUNDI

Posted on: May 30th, 2025

Mwenyekiti wa Kamati ya Uhakiki wa Mikopo Wilaya,  ambae pia ni Katibu Tawala Wilaya Ndg. Kaunga Omari jana Mei 30, 2025 ameshiriki kikao kazi cha Maafisa Maendeleo ya Jamii kilichofanyika katika Ukumbi Mdogo wa Halmashauri.

Akiwa katika kikao hicho amewataka Maafisa Maendeleo kuwashauri Wananchi miradi yenye tija itakayowaletea faida na kuwakwamua kiuchumi ili kutimiza lengo la Serikali la kuwainua Wananchi kiuchumi

Aidha, amewataka Maafisa Maendeleo kutimiza majukumu yao katika kusimamia Mikopo ya Asilimia 10 kwa kufuata kanuni na Miongozo ya Mikopo hiyo ili kujiepusha na vitendo vya udanganyifu.

Vilevile Amewataka kutumia muda wao kutoa elimu ya ujasiriamali kwa Vikundi mbalimbali vya Mikopo ili kuviongezea wigo wa kufikiria bishara nyengine tofauti na Ufugaji na Ununuzi wa Nafaka kwa kuwa inaonesha Shughuli nyingi za Vikundi ni Ufugaji na Ununuzi wa Nafaka.

Pamoja na mambo mengine kikao hicho kimelenga kuwakumbusha Maafisa Maendeleo ya Jamii juu ya miongozo ya Mikopo ya Asilimia 10 inayotolewa kwa Vijana, Wanawake na Watu wenye Ulemavu.