MAADHIMISHO YA KIMATAIFA YA MTOTO WA KIKE

Posted on: October 11th, 2022

Leo tarehe 11/10/2022 Halmashauri ya wilaya imeadhimisha siku ya kimataifa ya mtoto wa kike, maadhamisho hayo yalifanyika katika ukumbi wa Halmashauri ya Wilaya na kuudhuriwa na Watoto wa kike, waazi, walezi Pamoja na viongozi mbalimbali.

Katika maadhimisho hayo Afisa wa PCCB aliwaeleza Watoto wa kike kuwa kwa sasa kumekuwepo na wimbi kubwa la rushwa ya ngono kwa Watoto wa kike hususani kazini, mitaani na maeneo mengine. Aliendelea kufafanua kuwa endapo itatokea mtoto wa kike amefanyiwa ukatili huo atoe taarifa PCCB na wao watashughulika nae ipasavyo kwa mujibu wa taratibu na sheria za nchi.

Mhe. Mkuu wa wilaya akihitimisha maadhimisho hayo alisema kwa sasa ukatili wa watoto wa kike upo hadi majumbani jambo ambalo inabidi litokomezwe kuanzia ngazi ya jamii. Watoto wa kike wanapaswa kulelewa kwa maadili ili wakiwa wakubwa waisadie jamii kwa ujumla.