KWA KIPINDI CHA ROBO YA TATU HALMASHAURI IMEPOKEA FEDHA TSH. BILIONI 1.1 ZA MIRADI YA MAENDELEO

Posted on: May 16th, 2025

Mwenyekiti wa Halmashauri ya Wilaya ya Nyang'hwale, Mhe, John I. John amesema hadi kufikia kipindi cha robo ya tatu ya mwaka wa fedha 2024/2025, Halmashauri imepokea fedha Tsh. Bilioni 1.1 kwa ajili ya Shughuli za maendeleo.

Baadhi ya Waheshimiwa Madiwani wakiwa kwenye Mkutano wa tatu wa Baraza la madiwani kwa kipindi cha robo ya tatu ya Mwaka wa fedha 2024/2025

Amesema hayo jana, Mei 15, 2025 wakati akiwasilisha taaarifa yake, siku ya pili ya Mkutano wa tatu wa Baraza la madiwani katika kipindi cha robo ya tatu ya mwaka wa fedha 2024/2025 uliofanyika ukumbi wa mikutano wa Halmashauri.

Amefafanua kuwa Halmashauri imepokea Tsh. Milioni 893.6 kutoka Serikali Kuu na Tsh. Milioni 266.1 kutoka mapato ya ndani ya Halmashauri kwa ajili ya shughuli katika sekta ya Afya, Elimu, Mazingira na Utawala.

Baadhi ya Wajumbe waliohudhuria Mkutano wa tatu wa Baraza la madiwani kwa kipindi cha robo ya tatu ya Mwaka wa fedha 2024/2025

Aidha, amesema Serikali ya awamu ya Sita imedhamiria kuboresha mazingira ya kazi kwa Watumishi wa kada mbalimbali, mazingira ya ufundishaji na ujifunzaji, na upatikanaji wa huduma bora za Afya katika Zahanati, Vituo vya Afya na Hospitali ya Wilaya.

Baadhi ya Wakuu wa Idara na vitengo wakifuatilia Mkutano wa tatu wa Baraza la madiwani kwa kipindi cha robo ya tatu ya Mwaka wa fedha 2024/2025

Pamoja na mambo mengine amemshukuru Mhe, Dkt, Samia Suluhu Hassan kwa kutenga fedha nyingi za kutekeleza miradi ya maendeleo Wilayani Nyang'hwale.