ZIARA YA KAMATI YA SIASA MKOA

Posted on: January 13th, 2022

Kamati ya siasa ya chama cha Mapinduzi mkoa wa Geita Januari 13, 2022 ilifanya ziara wilayani Nyang’hwale kukagua utekelezaji wa shughuli mbalimbali za serikali kwenye sekta ya Elimu, Afya na Maji.

Akizungumza kwenye ukaguzi wa shule shikizi ya nyanshilanga, Mwenyekiti wa CCM Mkoa wa Geita Alhaji Said Kalidushi amewapongeza viongozi wa wilaya ya nyanghwale kwa usimamizi mzuri na kutekeleza kwa ubora ujenzi wa shule hiyo na amesisitiza kukamilisha madarasa mengine yaliyojengwa kwa nguvu za wananchi kwenye shule hiyo.

Mwalimu mlezi wa shule hiyo ambaye pia ni mwl mkuu wa shule ya Itetemia akisoma taarifa ya mradi huo amesema Shule hiyo ilipokea milioni 60 za mpango wa Maendeleo na ustawi wa Taifa na mapambano dhidi ya uviko 19 zimejenga madarasa 3 ambayo yatapunguza msongamano wa wanafunzi darasani.

Vile vile, kamati ya siasa imekagua ujenzi wa kituo cha afya nyijundu kinachorajiwa kuhudumia wakazi zaidi ya elfu 57 kitakapokamilia Januari 30, 2022 kwa gharama Tshs. 250 Milioni zilizotokana na tozo za simu. Aidha kamati imeshauri kuwekwa mipaka katika eneo hiyo linalozunguzwa na wakazi wa kijiji cha nyijundu ili kuondoa migogoro ya ardhi.

Kamati ya siasa mkoa pia imekaguza kikundi cha Twiyambe kilichopo kijiji cha kharumwa kinachojihusisha na shughuli za ushonaji nguo. Mbele ya kamati kikundi hicho kilishukuru uongozi wa Halmashauri kwa kuwakopesha Tshs. Milioni 3 kwa mwaka 2021 ambazo zimewasaidia kukuza mtaji wao.

Kamati pia ilikagua booster ya maji kijiji cha Izunya, “kijiji hiki (Izunya) kinatarajiwa kuanza kupata huduma ya maji tarehe 10 Februari na zaidi ya vituo 80 vya kuchotea maji vimetengenezwa. Kazi iliyobaki kwenye mradi huu ni kufukia bomba za kuchimba mtaro kwenye baadhi ya sehemu” alisema Eng Sebastian Robert.