WANANCHI WAPEWA ELIMU YA UIBUAJI WA MIRADI YENYE TIJA

Posted on: October 16th, 2024

Kaimu Mkurugenzi  Mtendaji wa Halmashauri ya Wilaya ya Nyang'hwale Ndg.  Agatha Pastory leo Oktoba 15, 2024 amefungua Mafunzo ya utoaji wa Elimu ya Uibuaji wa Miradi yenye tija kwa kutumia fedha za CSR mwaka 2025.

Afisa maendeleo kutoka mgodi wa Bulyanhulu Ndg (Marry Lupamba) akitoa mafunzo

Mafunzo hayo yaliyotolewa katika Zahanati na Kijiji cha Mwingiro kwa kushirikiana na Mgodi wa Barrick Bulyanhulu yamelenga kuwawezesha Wananchi wa Kata ya Mwingiro kutambua na kuibua Miradi yenye tija itakayowanufaisha Wananchi.

Wa kwanza kulia ni diwani wa kata ya Mwingiro Mhe (Khamis Temela) akisikiliza mafunzo

Aidha Wananchi wa Kijiji hicho wameainisha baadhi ya maeneo ambayo wameona yana uhitaji mkubwa wa kufanyiwa kazi  ikiwemo nyumba za watumishi wa sekta ya Afya na Elimu, Soko na huduma ya maji.

Afisa Mipango na katibu wa CSR, Ndg ( Angel Kiwia) Akitoa mafunzo

Diwani wa kata ya Mwingiliano Mhe. Khamis Temela amesema kata yake itashirikiana vyema na wawekezaji hao kampuni ya Barrick Bulyanhulu katika kusimamia miradi itakayotekelezwa ili jamii iweze kufaidika na rasilimali zinazowazunguka.

Wananchi wakipokea mafunzo ya uibuaji miradi ya CSR yenye tija

Sambamba na hayo Kaimu Mkurugenzi amewasisitiza Wananchi kuendelea kujiandikisha kwenye orodha ya daftari la wapigakura ili wawe na sifa ya kushiriki Uchaguzi wa Serikali za Mitaa ifikapo Novemba 27, 2024.

Afisa Uhusiano kutoka mgodi wa Bhulyanhulu Ndg William Chungu akitoa mafunzo