WANANCHI WAKABIDHIWA MRADI WA DARASA ULIOJENGWA NA MGODI WA SHIBALANGA GOLD MINE

Posted on: January 14th, 2025

Kwa niaba ya Mkurugenzi Mtendaji wa Halmashauri ya Wilaya ya Nyang'hwale, Mwanasheria wa Wilaya, Wakili Ambakisye Osiah leo Januari 14, 2025 amekabidhi chumba cha Darasa kwa Wananchi wa Kijiji cha Shibalanga lililojengwa kwa Fedha za CSR kutoka Shibalanga Gold Mine.

Akiongea katika hafla hiyo Wakili Ambakisye Osiah amewapongeza Shibalanga Gold Mine kwa ujenzi na usimamizi wa Darasa hilo ambalo litapunguza changamoto ya msongamano wa Wanafunzi darasani.

Pia ameupongeza uongozi wa Shule pamoja na uongozi wa Kijiji kwa ushirikiano walioutoa kwa Mgodi wa Shibalanga Gold Mine kukamilisha ujenzi wa dara hilo.

Mradi wa ujenzi wa Darasa ulianza kutelekezwa tarehe 18/08/2024 katika Shule ya Msingi Shibalanga chini ya udhamini wa Mgodi wa Shibalanga Gold Mine wakiwa Wasimamizi wakuu wa mradi huo uliojengwa kwa gharama ya Tsh 18,896,000/= kwa kushirikiana na Uongozi wa Kijiji na Shule.

Aidha, Diwani wa Kata ya Kaboha Mhe, Charles Masanyiwa ameishukuru Kampuni ya Shibalanga Gold Mine kwa kujenga Darasa hilo. Pia ametumia fursa hiyo kuwaomba Wadau wengine wa maendeleo kujitoa kwa Jamii katika mambo mbalimbali ili kuendeleza ushirikiano baina ya Kampuni na Jamii.