WANANCHI WA KIJIJI CHA MIMBILI WAKABIDHIWA MRADI WA UKARABATI WA SHULE KONGWE

Posted on: November 15th, 2024

Mwenyekiti wa Halmashauri ya Nyang'hwale Mhe. John I. John amewakabidhi Wananchi wa Kijiji cha Mimbili kilichopo Kata ya Nyugwa, Vyumba vya Madarasa sita (6) na Ofisi mbili (2) vilivyokarabatiwa katika Shule Kongwe ya Msingi Mimbili.

Makabidhiano hayo yamefanyika baada ya Serikali kupeleka fedha za kitanzania Shilingi Milioni 100 za ukarabati wa Shule hiyo kongwe iliyoanzishwa mwaka 1970 na ukarabati huo kukamilika kwa asilimia mia.

Akiongea kwenye hafla hiyo Mhe. John I. John amewapongeza Wananchi kwa ushirikiano walioutoa kipindi cha ujenzi wa madarasa hayo na amewataka Wananchi, Walimu na Wanafunzi kushirikiana kutunza majengo hayo.

Aidha Mhe. John I. John amemshukuru Rais wa awamu ya sita Mhe, Dkt. Samia Suluhu Hassan kwa kuipatia fedha Shule ya Msingi Mimbili iliyopo Kata ya Nyugwa ili iweze kufanya ukarabati wa madarasa pamoja na Ofisi za Walimu.