WAGANGA WAFAWIDHI WA VITUO VYA AFYA NA ZAHANATI WAPATA MAFUNZO YA MFUMO WA UHASIBU WA FEDHA NA UTOAJI TAARIFA (FFARS NA PLANREP)

Posted on: December 7th, 2024

WAGANGA WAFAWIDHI WA VITUO VYA AFYA NA ZAHANATI WAPATA MAFUNZO YA MFUMO WA UHASIBU WA FEDHA NA UTOAJI TAARIFA (FFARS NA PLANREP.)

Kwa niaba ya Afisa Mipango wa Halmashauri ya Wilaya ya Nyang'hwale, Mchumi, Ndg. Angela Kiwia jana Desemba 06, 2024. ameratibu mafunzo ya mfumo mpya wa FFARS na Planrep Kwa Waganga Wafawidhi wa Vituo vya afya na Zahanati kwa ajili ya maandalizi ya bajeti ya mwaka 2025/2026 yaliyofanyika katika jengo la Utawala la Hospitali ya wilaya.

Akizungumza kwenye mafunzo hayo Ndg. Angela Kiwia amewasisitiza Waganga Wafawidhi kutumia mifumo mipya iliyowekwa ili kusimamia vizuri Fedha zinazotolewa na Serikali na kuweka mipango kazi katika vituo wanavyofanyia kazi ili kuleta tija na ufanisi katika utendaji wa kazi.

Aidha Wafawidhi hao walipata elimu ya mfumo wa Ffars kutoka kwa Mhasibu Ndg. Katabanya Majembe ambaye alieleza jinsi mfumo huo unavyofanya kazi kwenye kupokea Fedha na kutumia Fedha kwa kutumia mfumo.

Vilevile Katibu wa Afya Wilaya Ndg. Mohamed Hassan ameelekeza jinsi mfumo wa Planrep unavyofanya kazi ambapo ameelezea jinsi ya kuweka mpango kazi na kupata taarifa zote za kiafya katika kila Kituo cha afya na Zahanati.