Wafanyakazi watakiwa kufanya kazi kwa Bidii na Maarifa

Posted on: May 2nd, 2018

Mkuu wa Mkoa wa Geita, Eng, Gabriel Luhumbi amewataka Wafanyakazi wa Mkoa wa Geita kufanya kazi kwa Bidii na Maarifa ili kuwaletea Wananchi Maendeleo. Amesema hayo jana wakati akihutubia Wafanyakazi wa Mkoa wa Geita kwenye Viwanja vya Shule ya Msingi Kalangalala alipokua Mgeni Rasmi kwenye Sikukuu ya Mei Mosi.

Mhe. Luhumbi amewasihi Watumishi Hodari wa kuendelea kujituma kwenye maeneo yao ya kazi na wengine waige tabia hiyo ili pamoja na kuboresha huduma kwa Jamii lakni pia watatambuliwa na kutunukiwa mwakani kama wenzao.

Aidha, amewakumbusha wafanyakazai kuwa wana jukumu kubwa la Kuhakikisha Jamii inayowazunguka wanapata Huduma bora ktutoka kwao hivyo kila mmoja ahakikishe anafanya kazi kwa weledi na Nidhamu ya Juu ili kuleta matokeo chanjya na kuwatendea haki waliowaajili.

Kwa Wilayani Nyang’hwale, Mhe. Mkuu wa Mkoa amewatunuku Vyeti pamoja na Hundi Ndugu.  Paulo Zahoro, Afisa Habari, Ndugu. Mlomi Kilonzo, Afisa Kilimo, Ndugu. Nimpaye Nyambaro, Mwalimu, na Bi. Eliesta Lyangani, Mkaguzi wa Ndani, kwa kuibuka kuwa Watumishi Hodari. Wengine ni Ndugu. Method Lily, Afisa Ugavi Msaidizi, Ndugu. Elias Kifulila, Afisa Ugani Mifugo, Ndugu. Alex Shabo, Mwandishi wa Vikao pamoja na Bi. Ester Selemani, Afisa Maendeleo Msaidizi.

Akijibu Risala kuhusu Mikataba makazini ameagiza waajiri kwenye makampuni ya Ulinzi kutoa mikataba ya ajira kabla ya kuajiri Mlinzi na wajiri wataokiuka agizo hilo atawachukulia Hatua kali za kisheria ili kukomesha tabia hiyo inayowanyima haki waajiriwa.

Amekemea pia tabia ya waajiri kuajiri Watoto wadogo hasa kwenye Migodi na akaahidi kulifuatilia suala hilo na atakayepatikana kufanya kosa hilo atachukuliwa hatua kali za kisheria.

Kuhusu Mimba na utoro Mashuleni Mhe. Mkuu wa Mkoa alisema kuanzia sasa atawakamata wahusika wote kuanzia wazazi, walezi na wote wanaosababisha kwa makusudi kumkosesha Elimu Mtoto wa kike kuwa kuwapa ujauzito na Utoro.

Kuhusu mauaji ya Vikonmgwe na Wanawake alisema, atazungukia Mkoa wote kuwatambua na kuwachukulia hatua za kisheria waganga wa jadi wanaoendesha shughuli zao pasipo kusajiliwa kwani ndio wanafanya Ramli chonganishi kwenye Jamii na kupelekea mauaji.

Wakati akimshukuru Mhe. Mkuu wa mkoa kwa kukubali kuwa Mgeni Rasmi kwenye maadhimisho hayo, Msoma Risala alitumia wasaa huo kumpongeza kwa kuteuliwa kuwa Mkuu wa Mkoa na alimkaribisha  Mkoani Geita kwani ameteuliwa siku za karibuni kuongoza mkoa we Geita na ameleta mabadiliko makubwa sana ya kimaendeleo.

Maadhimisho hayo yalipambwa na Michezo mbalimbali ambapo kwa Upande wa kukimbiza kuku Mwanachama wa TAMICO alishinda kwa Wanawake na Mwanachama wa TUGHE alishinda kwa wanaume. Vilevile, Wanawake wa GGM walishinda kuvuta kama dhidi ya wapinzani wao TANESCO. TUICO tena Wanawake waliwabwaga Wanawake wa TALGWU kwenye kuvuta kamba.

Maadhimisho ya siku ya Wafanyakazi Duniani yalianza karne ya Ishirini wakati wa Mapinduzi ya Viwanda Barani Ulaya walipokuwa wakipinga manyanyaso kwa Wafanyakazi Viwandani.