VIJIJI 09 KUNUFAIKA NA MPANGO WA MATUMIZI BORA YA ARDHI

Posted on: September 15th, 2025

Wananchi wa Vijiji 09 wanatarajiwa kunufaika na Mpango wa Matumizi bora ya Ardhi unaofanywa na Tume ya Taifa ya Mipango na Matumizi ya Ardhi kwa kushirikiana na Halmashauri ya Wilaya ya Nyang’hwale.

Zoezi hilo linatarajiwa kufanyika kwa Siku 14 kuanzia Septemba 16, 2025 ambapo Vijiji vitakavyonufaika na zoezi hilo ni; Mimbili, Kijinga, Nyugwa, Igeka, Nundu, Lyulu, Nyang’holongo, Isonda, na Nyangalamila.

Kaimu Mkurugenzi Mtendaji wa H/W ya Nyang'hwale akizungumza na wataalamu kutoka Tume ya Taifa ya Mipango na Mtaumizi ya Ardhi.

Kaimu Mkurugenzi wa Halmashauri ya Wilaya ya Nyang’hwale, Ndg, Ezekiel Ntiriyo ameishukuru Wizara ya Ardhi, Nyumba na Maendeleo ya makazi kupitia Tume ya Taifa ya Mipango ya Matumizi ya Ardhi kwa kuipa nafasi H/W ya Nyang’hwale kuwa miongoni mwa Halmashauri zinazonufaika na zoezi hilo.

Aidha, Mjumbe kutoka timu ya Wataalamu amesema lengo la zoezi hilo ni pamoja na kuwezesha upatikanaji wa ardhi kwa ajili ya matumizi ya makazi, Kilimo, Ufugaji, huduma za jamii, utunzaji wa ardhi (Misitu na vyanzo vya maji) na kutatua migogoro baina ya watumiaji wa ardhi.

Wataalamu kutoka Tume ya Taifa ya Mipango na Matumizi ya Ardhi wakiwa kwenye picha ya pamoja na wataalamu wa Halmashauri mara baada ya kikao kazi cha mpango kazi wa mpango wa matumizi bora ya ardhi kwa Vijiji 09

Pamoja na mambo mengine amewataka wataalamu wa sekta mtambuka kutoka Ofisi ya Mkurugenzi Mtendaji kutumia taaluma zao kwa weledi katika kuainisha maeneo yote yanayostahili kupangwa kwa matumizi husika kulingana na vigezo vinavyokubalika kitaalamu.