VIJANA WAPIGWA MSASA JUU YA FURSA ZA MIKOPO ISIYOUMIZA

Posted on: April 24th, 2025

Halmashauri ya Wilaya ya Nyang’hwale imeendelea kuwafungulia vijana fursa mbalimbali za kiuchumi zitakazowasaidia kukabiliana na changamoto za maisha yao ya kila siku.

Katika kutekeleza hilo, Afisa Vijana (W), Ndg, Ushuhuda Kibona amewakutanisha vijana katika kituo cha uwezeshaji wananchi kiuchumi kuwaeleza juu ya fursa za mikopo inayotolewa na Serikali kupitia Ofisi ya Waziri Mkuu, Kazi, Vijana, Ajira na Weunye ulemavu kupitia mfuko wa maendeleo ya Vijana.

Kupitia semina hiyo, Vijana wamejengewa uelewa juu ya fursa za mikopo hiyo kwa kuzingatia mwongozo wa mwaka 2022 ambapo mwongozo huo unatoa ufafanuzi wa sifa na vigezo vinavyohitajika kwa kijana ili aweze kupata mkopo huo.

Sambamba na hayo, Vijana walipata fursa ya kuelimishwa juu ya mikopo ya aslimia kumi inayoendelea kutolewa na Halmashauri kupitia mapato yake ya ndani.

Amesema vijana wanatakiwa kuwa wabunifu kwenye kuunda miradi ambayo itawanufaisha wao kama kikundi na itainufaisha jamii pia.