Ulevi chanzo kikubwa cha Mifarakano kwenye Familia.

Posted on: May 19th, 2017

Mgeni Rasmi wa Siku ya Familia Wilayani Nyang'hwale, Ndugu Fabian Yinza Katibu Tawala wa Wilaya amewaasa wazazi kuacha Tabia ya Ulevi ambao umekua chanzo kikubwa cha Mifarakano kwenye familia. Amesema hayo leo mchana kwenye Maadhimisho ya Siku ya Familia Duniani yaliyofanyika kwenye Kijiji cha Kanegele Kiwilaya.

Amesema, Ulevi husababisha hata kuvunja Familia ambapo Watoto ndio huathirika zaidi na Mifarakano hiyo. Aidha amewataka wazazi kuwa Viongozi kwa Watoto kwenye kukemea suala ya Matumizi ya Madawa ya Kulevya ambayo yanaathiri sana Watoto.

Katika kuitikia wito wa kauli mbiu ya Siku ya Familia mwaka huu isemayo "ELIMU NA MALEZI BORA KWA USTAWI WA FAMILIA" amewataka wananchi wa Nyang'hwale kuachana tabia za Ukatili dhidi ya Watoto na amewasihi wazazi kuhakikisha wanawapa watoto wao Elimu bora. ambapo amesisitiza wazazi wawe na Muda wa kuzungumza na watoto wao na kufurahi nao na sio kuwa bize na shughuli zingine tu.

Aidha, Ndugu Katinu Tawala amewasihi wananchi wote kuhifadhi vizuri chakula watachovuna Msimu huu ili kujiwekea akiba na kujihakikishia kutoingia kwenye tatzo la njaa. Katika suala hilo, amekemea tabia ya Baadhi ya Wananchi kupika pombe kwa kutumia chakula wavunacho ambapo husababisha kumaliza Vyakula kwenye jamii.

Hakusita kukemea suala la Imani za Kishirikina ambazo zinasababisha wazee kuishi kwa Hofu kwenye jamii yao kwa kuonekana wachawi ambapo amesema tabia hiyo Inanyanyasa Wazee na Ikomeshe mara moja.