UJENZI WA CHUO CHA VETA KUFUNGUA FURSA KWA VIJANA

Posted on: September 20th, 2023

Kwa mara ya kwanza katika historia tangu kuanzishwa kwake Wilaya ya Nyang’hwale, inaenda kuwa na Chuo cha Ufundi Standi (VETA). Ujenzi wa chou hiko umeanza rasami July, 2023 na unatarajiwa kukamilika Desemba, 2023.

Lengo kubwa la mradi huo ni kupata Chuo cha Ufundi Stadi kitakachowezesha vijana wanaomaliza elimu ya Msingi, Sekondari na hata Vyuo kupata fursa ya kujifunza ufundi stadi utakaowawezesha kujitegemea, kujiajiri na kutumikia Taifa.

Mradi unahusisha ujenzi wa majengo tisa ambayo ni, Vyumba vya madarasa na Maabara ya TEHAMA, Karakana ya Useremala na Uwashi, Karakana ya umeme na maji, na Jengo la choo cha nje.

Pia kutakuwa na Karakana ya ushonaji na maandalizi ya chakula, Nyumba ya Mtumishi, Jengo la Utawala, Ofisi ya Mlinzi, na Jengo la kupokelea nishati ya umeme.

Mhe. Rais wa Jamhuri ya Muungano wa Tanzania, Dkt. Samia Suluhu Hassan, ameendelea kuineemesha Wilaya ya Nyang’hwale kwa kuendelea kutenga fedha nyingi kutekeleza miradi ya maendeleo.