TUMUOMBEE YALIYO MEMA MHE. RAIS, DKT. SAMIA SULUHU HASSAN - DC KINGALAME

Posted on: April 8th, 2024

Mkuu wa Wilaya ya Nyang'hwale Mhe. Grace Kingalame leo Aprili 08, 2024 amejumuika na waumini wa dini ya kiislamu na wasio wa  dini ya kiislamu katika Iftari na dua ya kumuombea Rais wa Jamhuri ya Muungano wa Tanzania, Mhe. Samia Suluhu Hassan

Hafla hiyo fupi imefanyika katika Msikiti Mkuu wa Ijumaa uliopo kata ya Kharumwa na kuhudhuriwa na viongozi mbalimbali wa Wilaya ya Nyang'hwale.

Mhe. Kingalame amewashukuru sana Waumini na Wananchi kwa ujumla kwa kuhudhuria hafla hiyo yenye lengo la kumuombea dua Mhe. Samia Suluhu Hassan.

"Sababu ya kujumuika hapa ni kumuombea Rais wetu aendelee kutuongoza kwa hekima, huruma na  upendo mkubwa, na mungu ampe Afya njema ya kuliongoza Taifa hili" Ameongeza Mhe. Kingalame

Mkurugenzi Mtendaji wa Halmashauri ya Wilaya ya Nyang'hwale, Ndugu, Husna Toni amemshukuru sana Mhe. Kingalame kwa kuwakutanisha pamoja waumini wa kiislamu na wasio wa kiislamu katika kumuombea dua Mhe. Samia Suluhu Hassan.

Aidha, Katibu Tawala wa Wilaya ya Nyang'hwale, Ndugu, Kaunga Omari amewaomba waumini hao kuwaombea dua viongozi wote wa Wilaya ya Nyang'hwale ili waweze kuwahudumia Wananchi wote kwa uadilifu uliotukuka