RC SHEGELA AZINDUA SHULE YA MCHEPUO WA KINGEREZA NYANG’HWALE

Posted on: April 26th, 2023

Leo tarehe 26/04/2023 Mkuu wa Mkoa wa Geita Mhe. Martin Shegela amezindua Shule ya Mchepuo wa Kingeleza iitwayo Kharumwa English Medium School iliyopo Kata ya Kharumwa wilayani Nyang’hwale. Shule hiyo ambayo ndio ya shule ya msingi ya kwanza kufundisha kwa kutumia lugha ya kingereza ilifungulia mwaka jana mwezi wa tatu.

Akisoma taarifa ya Shule hiyo kwa niaba ya Mkurugenzi Mtendaji, Mkuu wa Shule hiyo Mwalimu Justin Mathias Alisema shule hiyo imejengwa kwa kutumia mapato ya ndani ya Halmashauri kutoka Fedha za CSR zinazotolewa na Mgodi. Alisema kwa sasa Shule ina jumla ya Vumba vya Madarasa 6 ofisi za waalimu, jengo au bwalo la chakula na Vyoo ambavyo vote vinatumika. Aliongeza kwa kusema mwitikio wa wazazi kuleta Watoto wao hapo shuleni ni Mkubwa kwani jamii inayozunguka shule hiyo inafuraha ya kupata shule ya kwanza inayofundisha kwa lugha ya kingereza tangu darasa la awali mpaka darasa la saba.

Aida Mkuu wa Shule alieleza changamoto zinazoikabili shule ni kukusekana kwa usafiri wa shule wa kuwaleta na kuwarudisha Watoto majumbani mwao, shule haina uzio na viwanja vya michezo havijakamilika.

Mwisho Mkuu wa Mkoa alizungumza na wananchi na wanafunzi wa shule hiyo kwa kuomba watunze shule hiyo vizuri illi iendelee kutoa huduma. Pia alishauri Halmashauri kuangualia namna ya kupunguza ada ambayo ni Tshs. 500,000 kwa mwnafunzi ili kuweza kuruhusu wazazi wengi kupeleka Watoto wao shuleni hapo.