Nyang'hwale yaweka mikakati ya kuondoa Udumavu

Posted on: November 14th, 2018

Mkuu wa Wilaya ya Nyang’hwale Mhe. Hamim Gwiyama awataka Watendaji kuwa na mipango thabiti ya kuondoa wadumavu kwenye Jamii kwa kuhakikisha upatikanaji wa lishe bora kwa watu wake

Amebainisha hay oleo Asubuhi alipokuwa akifungua semina ya mafunzo kwa wajumbe wa Kamati ya Lishe Wilaya yaliyoratibiwa na Ofisi ya Rais TAMISEMI kwa kuwafundisha jinsi ya kupanga bajeti ya lishe kwa Mwaka wa fedha 2019/2020.

Mhe. Hamim Gwiyama, alizungumzia umhimu wa lishe bora kwenye jamii ambapo alisistiza ya kuwa wanawake wajawazito na watotot wadogo wapewe kipaumbele ili kuiepusha jamii na udumavu

Aidha, Mhe. Mkuu wa Wilaya alisisitiza umhimu wa kupanga bajeti ya masuala ya Lishe ili tuweze kupata fedha za kutumia wakati wa kujenga afya ya Mwili na Akili kwa watu wetu.

Awali mratibu wa Chanjo Wilaya, alisema udumavu unaosababishwa na Lishe duni upo kwa 45% kiwango ambacho ni kikubwa sana ukilinganisha na kiwango cha Kitaifa ambacho ni 33% ambapo aliwaomba wadau mbali mbali kutoka Idara za Afya na Kilimo kushirikiana na kitengo cha lishe wakati wa kupanga bajeti ili kupunguza udumavu huo,

Alipokuwa akitoa mada Ndg. Peter kaswahili , mwezeshaji kutoka TAMISEMI alisema suala la bajeti ya Lishe ni lazima Wilaya ilifanye kuwa kipaumbele ili kujenga afya bora za jamii tunayoihudumia.

Alipokuwa akifunga mafunzo Ndg. Fabian Yinza Katibu Tawala wa Wilaya, aliwataka wadau wa Afya kutilia mkazo kwenye makusanyo ya fedha kutoka mfuko wa Afya ya Jamii (CHF) ili kuongeza mapato ya ndani na fedha zitakazopatikana hata kama ni kidogo tuhakikishe zinaboresha huduma za Lishe kwa Jamii ya Nyang’hwale hasa kwa wamama Wajawazito na watoto wachanga.

Mwenyakiti wa Halmashauri, Mhe. Isack John Isack aliwashukuru wawezeshaji kwa mafunzo ambayo alisema amekiri kuwa yamemjengea uwezo na kumfungua sana kuhusiana na masuala ya Lishe na aliwahidi kuwa yeye kama msimamizi wa Halmashauri atahakikisha yanatekelezwa yale yote yaliyofundishwa.