NYANG'HWALE YAPONGEZWA KWA USIMAMIZI MZURI WA MIRADI YA CSR

Posted on: October 25th, 2024

Kwa niaba ya Kamishna wa Madini Tanzania, Mhandisi John Shija jana Oktoba 25, 2024 akiwa na timu ya wakaguzi kutoka Wizara ya Madini wameipongeza H/W Nyang’hwale kwa usimamizi mzuri wa Miradi inayotekelezwa kupitia fedha za  CSR kwa kushirikiana na  Kampuni ya uchimbaji Madini Barrick Bulyanhulu.

Akiwa katika ziara hiyo amekagua miradi mbalimbali inayotekelezwa kupitia fedha za CSR ambayo ni pamoja na Jengo la Wodi Maalumu na Jengo la Dharula katika Hospital ya Wilaya, Karakana ya magari, Shule ya mchepuo wa kingereza, Stendi, pamoja na Vyumba vya Madarasa matatu (3) katika Shule ya Msingi Samia Suluhu Hassan.

 Akiongea mara baada ya ziara hiyo Mhandisi John Shija ameridhishwa na utekelezaji wa miradi hiyo na kuipongeza Halmashauri ya Wilaya ya Nyang'hwale kwa usimamizi mzuri uliopelekea miradi kukamilika kwa wakati na hatimae kuwanufaisha Wananchi kama inavyotakiwa.

Aidha ameipongeza Kampuni ya uchimbaji Madini Barrick Bulyanhulu kwa kuendelea kuwajibika kwa jamii na kuitaka Kampuni hiyo kuendelea kudumisha mahusiano mazuri na Halmashauri ya Nyang'hwale ili Wananchi waendelee kunufaika na uwepo wa Kampuni hiyo.