NYANG’HWALE YAADHIMISHA SIKU YA USAFI DUNIANI KWA KUFANYA USAFI WA MAZINGIRA MAENEO MBALIMBALI.

Posted on: September 20th, 2024

Kwa niaba ya Mkuu wa Wilaya ya Nyang’hwale, Afisa Tawala (W), Ndg. Vitalis Ndunguru ameshiriki kufanya zoezi la Usafi wa Mazingira pamoja na Wananchi. Kiwilaya Maadhimisho hayo yamefanyika leo Septemba 20, 2024 katika Kijiji cha Kharumwa, Kata ya Kharumwa.

Maadhimisho hayo yamehusisha shughuli za Usafi katika maeneo mbalimbali ya Wilaya ya Nyang’hwale ikiwa ni pamoja na maeneo ya kutolea huduma za Jamii, na maeneo ya wazi.

Wananchi wakishiriki zoezi la Usafi

Akiongea Ndg. Vitalis Ndunguru katika Maadhimisho hayo amewataka Wananchi kujijengea tabia ya kufanya Usafi mara kwa mara katika maeneo yanayowazunguka na Wilaya kwa ujumla ili kuweka mazingira katika hali ya usafi muda wote.

Aidha, amewataka wamiliki wa maeneo mbalimbali yalio wazi kuhakikisha maeneo hayo  yanakuwa safi ili kuepusha magonjwa ya mlipuko kwa Wananchi. Pia amewataka wamiliki wa Mabasi ya Umma kuweka vifaa vya kuhifadhia taka kwenye magari yao.

Kushoto ni Mwenyekiti wa Kijiji cha Kharumwa Ngd. Said R. Hamisi akishiriki Usafi.

Akiongea kwa niaba ya Diwani wa Kata ya Kharumwa, Mwenyekiti wa Kijiji Ngd. Said R. Hamisi, amewashukuru Wananchi kwa kujitokeza kufanya usafi katika maeneo mbalimbali kama walivyotangaziwa hapo awali.

Maadhimisho ya Siku ya Usafi Duniani huadhimishwa kila Mwaka ifikapo Septemba 16, na kauli mbiu ya Mwaka 2024 inasema “Uhai Hauna Mbadala zingatia Usafi wa Mazingira”.

Afisa Tawala (W) akiongea na Wananchi baada ya zoezi la Usafi.

Afisa Mazingira Ndg. Ntiriyo Ezekiel akiongea baada ya zoezi la Usafi