Mkuu wa Wilaya awapa miezi sita wananchi waliovamia msitu wa Mienze kuhama

Posted on: April 7th, 2017

Mkuu wa Wilaya ya Nyangh'hwale Ndugu Hamimu Gwiyama ametoa miezi sita kwa wananchi waliovamia Msitu wa Mienze kuhama na watakaokaidi agizo hilo watachukuliwa hatua kali za kisheria kwani wanataka kutuletea jangwa kwenye Wilaya yetu. Amewataka wanaolisha mifugo yao ndani ya Msitu huo kuacha mara moja na endapo wataendelea Mifugo yao ikikutwa Msituni itachukuliwa na kuwa mali ya serikali. Ndugu Gwiyama ameyasema haya alipokuwa akizugnumza na wananchi wa kijiji cha Ihushi leo mchana. 

Aidha amewakumbusha pia madhara ya Matumizi ya madawa ya kulevya aina ya Bangi kwa afya zao na kpiga marufuku matumizi ya VIROBA kama katazo la Waziri Mkuu lilivyotolewa siku kadhaa nyuma. 

Aidha, alipokua akizungumza na wananchi wa Kijiji cha Bujura mwananchi Mmoja aitwaye Emanuel Mashiku Mhanya alitaka kufahamu watumie barabara gani kuwasiliana na vijiji jirani kwani wapitapo kwenye Msitu wanakamatwa na Polisi, Ndugu Gwiyama aliwahakikishia Usalama wao wapitapo bila Kuharibu Msitu lakini wakikutwa wanafanya shughuli yoyoyte ya Kibinadamu ndani ya Msitu watakamatwa na kuchukuliwa Hatua za Kisheria kwa kuharibu Msitu wa Hifadhi.