MKUTANO WA BARAZA LA MADIWANI SIKU YA PILI

Posted on: February 16th, 2022

Mwenyekiti wa Halmashauri Mhe. Isaack John kama ilivyoada alianza kwa kusoma Sara ya Halmashauri na baada ya kusoma sara alifungua mkutano wa baraza la madiwani siku ya pili mnamo saa 04:10 asubuhi. Mkutano ulianza kwa waheshimiwa madiwani kuwasilisha taarifa za utendaji kwa kamati za kudumu za Halmashauri. Baada ya kuwasilisha taarifa hizo ilifuata kipindi cha maswali na majibu ambayo yalijibiwa kwa mujibu taratibu lakini hoja kubwa ilikuwa ni swali toka kwa diwani wa mwingiro ambaye alitaka kujua wananchi wa kijiji cha ng’wasabuka wamezuiliwa kuchimba dhabahu na mgodi wa acacia nini hatima ya ushuru kwa halmashauri, majibu yaliyotolewa yakisisitizwa na Mhe. DC ni kuwa wananchi wa kijiji hicho walichozuiliwa ni shughuli ya kuchimba dhahabu lakini shughuli zingine za kiuchumi kama ufugaji na kilimo bado wanaendelea kama kawaida, dhumuni la kuwazuia ilikuwa ni kulinda usalama wa leseni ya mgodi wa acacia ambaye pia ni mdau mkubwa wa Maendeleo katka halmashauri yetu.

Kuhusu Pori la hifadhi la Miyenze kuvamiwa na wananchi ambapo mhe diwani kata ya nyugwa alieleza kuwa uhifadhi wa pori hilo ubadilishwe ikiwezekana watafutwe wanyama wakali kama simba wawekwe kwenye pori hilo ili watu wasiweze ingia kama ilivyo sasa. Mhe DC pia alieleza “Mhe Mwenyekiti baraza lako linajua Zaidi kilichotokea zoezi lililofanywa na serikali na kuamua kusitisha, kuna tume ya mawaziri nane ilikuja na kutoa maelekezo hivyo tukiwa tunasubili taratibu ni vyema sharia za kulinda misitu zifuatwe. Hoja iliyotolewa na diwani ni kuwa bado kuna wananchi wanaendelea na uvamizi wa eneo hilo, aidha baraza lako liendee kujadili aidha msitu ubaki wa asili au uwe wa kupanda pande zote mbili ziangaliwe kwa faida na hasara”.

Pia hoja ya barabara iliulizwa na mhe Mwenyekiti kumwagiza Manager TARURA atoe taarifa ya fedha zilizopokelewa zitatekeleza barabara zipi kisha aziwasilishwe kwa kila diwani ili ajue katika eneo lake.

Baada ya mjadala kuisha Mhe Mwenyekiti alimkaribisha mkuu wa wilaya atoe salama kwa wananchi waliokuwa wamehudhuria katika baraza hilo. Mhe Mkuu wa Wilaya alianza kwa kusema “ Nampongeza sana Mkurugenzi Mtendaji kwa kuendelea kuzisimamia vyema halmashauri kwa kushirikiana na wakuu wa idara na vitengo, pia kamati ya ulinzi na usalama wanafanya kazi nzuri sana si shughuli za ulinzi na usalama tu bali hata shughuli za kusimamia miradi ya Maendeleo Halmashauri, shughuli ya ukusanyaji mapato inaendelea vizuri na tukitia nia ya dhati tunaweza ongoza kitaifa”. Aliendelea kueleza kuwa kuanzia sasa kuna zoezi la anwani za makazi hivyo waheshimiwa madiwani washirikiane na watendaji kuelimisha jamii itoe ushirikiano katika zoezi ili  likamilike kwa wakati uliowekwa.

Baada ya salamu hizo mhe Mwenyekiti alifunga mkutano mnamo saa 9:10 alasiri.