MKUTANO WA BARAZA LA MADIWANI SIKU YA KWANZA

Posted on: February 15th, 2022

Mapema leo tarehe 15/02/2022 kumefanyika mkutano wa Baraza la Madiwani wa kujadili taarifa za robo ya pili zinazoishia tarehe 31 Desemba, 2021. Baraza hizo liliongozwa na Mwenyekiti wa Baraza hilo Mhe. Isack John Diwani kata ya Kafita. Mhe Mwenyekiti alianza kwa kusoma sara ya Halmashauri na baadae alifungua mkutano huo mnamo saa tano na robo asubuhi. Baada ya kufungua aliwataka waheshimiwa madiwani kuwasilisha taarifa zao za kata ili zijadiliwe. Katika taarifa hizo wajumbe walitoa ushauri mbalimbali na wengine walipongeza. Mfano katika kata ya Bukwimba Mhe Mwenyekiti alimpongeza Mwenyekiti wa WDC kwa kuwatambua wajisiamali wadogo na kuweza kuwatengea eneo la kufanyia kazi zao. Kuendelea kuhimiza Amani kwa wananchi wetu ili waondoe Imani potofu na waishi kwa Amani. Diwani kata ya Mwingiro alishauriwa ahamasishe vijana, wanawake na walemavu wajiunge katika vikundi na mhe diwani awasaidie ili waweze kusajiriwa na kupata fursa ya kukopeshwa mikopo ya 10% inayotolewa na Halmashauri. Pia ubovu wa barabara na ukosefu wa maji safi na salama, umeme kwa maeneo mengi ni changamoto iliyoripotiwa na taarifa nyingi za kata ambapo TARURA na RUWASA wameaswa wazichukue kwa ajili ya kuzipatia majibu ili wananchi waweze kufaidika na huduma hizo. Mkurugenzi Mtendaji amewahimiza watendaji wa kata kupokea na kutatua changamoto zinazojitokeza katika kata zao au kuziwasilisha kwa mamlaka husika kama watakuwa hawana majibu na hizo changamoto, hii itasaidia baraza la madiwani kuwa na ufanisi kuliko kila wakati kuendelea kujadili changamoto zile zile kila wakati. Mhe Mwenyekiti ameahirisha baraza mnamo saa tisa alasiri, baraza litaendelea siku inayofuata….